• Latest news

Անհանգստություն եւ վախ. Գիտնականները հայտնաբերել են մեդիտացիայի «կողմնակի էֆեկտները»

18 մայիսի, 2019  22:05

Հանրահայտ դարձող մեդիտացիան այնքան էլ անվտանգ չէ, ինչպես ընդունված էր համարել նախկինում:
Գիտնականների միջազգային խմբին հաջողվել է պարզել, որ 25 տոկոս դեպքերում մեդիտացիայից հետո մարդիկ զգում են, այսպես կոչված, կոգնիտիվ աղավաղումներ (այսինքն՝ վարքագծի, ընկալման եւ մտածողության շեղումներ): Դրանից բացի, ուժգնանում է սթրեսը, ինչպես նաեւ անհանգստությունը եւ վախի զգացումը: Ուշագրավ է, որ համանման «կողմնակի էֆեկտներ» են նկարագրված բուդդայական ավանդական մի քանի տեքստերում:


Հետազոտության շրջանակում անցկացվել է 1232 մարդու առցանց հարցում: Բոլոր փորձարկվողները 2 ամիս եւ ավելի մեդիտացիա են կատարել նվազագույնը շաբաթը մեկ անգամ: Կամավորները պետք է պատասխանեին մի շարք հարցերի, այդ թվում՝ տհաճ ապրումներին առնչվող, որոնք, նրանց կարծիքով, կապված են մեդիտացիայի հետ:


Հետազոտության մասնակիցների 25,6 տոկոսը հայտնել է «առանձնապես տհաճ ապրումների» մասին, ընդ որում՝ տղամարդիկ կանանցից ավելի հաճախ են դրան բախվել (համապատասխանաբար՝ 28,5 տոկոս եւ 23 տոկոս): Մեդիտացիայի տհաճ հետեւանքների մասին նշել է հավատացյալների 22 տոկոսը եւ այս կամ այն կրոնական ուղղությանը չհետեւող անձանց 30,6 տոկոսը: Տհաճ զգացումների մասին առավել հաճախ հայտնել են այն անձինք, որոնք կատարել են մեդիտացիայի դեկոնստրուկտիվ ձեւեր (29,2 տոկոս):


Չնայած ստացած արդյունքներին, գիտնականները չեն շտապում եզրակացություններ կատարել այն մասին, թե կոնկրետ ինչով կարող է պայմանավորված լինել մեդիտացիայի «կողմնակի էֆեկտը»:
Հետազոտության արդյունքների վերաբերյալ գիտական հոդվածը հրապարակվել է PLOS One ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է