Գիտնականները պատմել են, թե որ սննդակարգն է նվազեցնում կաթնագեղձի քաղցկեղից մահանալու վտանգը

19 մայիսի, 2019  17:17

Գիտնականները պարզել են, թե որ սննդակարգն է նվազեցնում կաթնագեղձի քաղցկեղից մահվան վտանգը: Համաձայն մի խումբ գիտականների հետազոտության՝ կրծքի քաղցկեղի դեպքում օրգանիզմի վրա դրական ազդեցություն ունի ցածր յուղայնությամբ դիետան: Ծավալուն աշխատանքի արդյունքները կներկայացվեն ընթացիկ տարվա հունիսի 2-ին Չիկագոյուն Կլինիկական ուռուցքաբանության ամերիկյան միության ամենամյա ժողովի շրջանակներում:

8.5 տարի տեւած հետազոտության մեջ ներգրավվել են 50-79 տարեկան 48 835 առողջ կանայք: Փորձարկվողները բաշխվել էին երկու խմբի: Առաջին խմբի կամավորները կրճատել էին յուղոտ սննդի օգտագործումը ընդհանուր օրվա նորմայից մինչեւ 20 տոկոսով՝ ընդ որում՝ ավելացնելով օգտագործվող մրգերի, բանջարեղենի եւ հացահատիկային կուլտուրաների քանակը: Երկրորդ խմբի մասնակիցները որեւէ փոփոխություն չէին կատարել իրենց սովորական սննդակարգում:

Հետազոտության ավարտից հետո հաստատվել էր, որ, չնայած կրծքագեղձի քաղցկեղի քանակը երկու խմբերում էլ հավասար էր, առաջին խմբի մասնակիցների մոտ ցանկացած պատճառով մահվան վտանգը ցածր էր 35 տոկոսով՝ ի տարբերություն վերահսկող խմբի: Բացի այդ, հետազոտության ավարտից 20 տարի անց առաջին խմբի կանանց շրջանում կրծքագեղձի քաղցկեղից մահանալու վտանգը 21 տոկոսով ցածր էր:

Լոս Անջելեսի Հարբոր-ՈՒԿԼԱ բժշկական կենտրոնից բժիշկ Ռոուեն Հլեբովսկին ընդգծել է ստացված արդյունքների կարեւորությունը: Նշվում է, որ այդ ռանդոմացված կլինիկական հետազոտությունը ցույց է տալիս կապը չափավոր սննդի եւ կրծքի քաղցկեղից մահվան վտանգի միջեւ:

Գիտնականները պատրաստվում են շարունակել հետազոտությունները՝ ուշադրությունը կենտրոնացնելով երկու խմբերի մասնակիցների արյան փոփոխությունների վրա:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի