• Latest news

Հղիությանն անտեղյակ 20-ամյա կինն առողջ աղջիկ է ունեցել (ֆոտո)

20 մայիսի, 2019  10:43

Վերջին ժամանակներս ավելի հաճախ է տեղեկացվում կանանց մասին, ովքեր ծննդաբերում են հանկարծակի՝ այդ բառի բոլոր իմաստներով. մինչեւ ծննդաբերելը նրանք չեն էլ իմացել, որ հղի են։ Նման կանանց ցուցակը համալրել է 20-ամյա Սթեյսի Փորթերը շոտլանդական Ֆոլքերկ քաղաքից։

Ինչպես պատմում է տեղի The Daily Record թերթը, Սթեյսին պատկերացում անգամ չուներ, որ երեխայի է սպասում։ Ուրբաթ՝ մայիսի 10-ին, նա հանկարծ կծկումներ է զգացել որովայնի շրջանում։ Այդ ժամանակ նրա սիրեցյալը՝ Դեւիդ Ջոնսթոնը, քնած էր բազմոցին։ Առավոտ վաղ տղամարդն արթնացել է եւ տեսել հեռախոսի էկրանին, որը գտնվում էր անձայն ռեժիմի վրա, 60 բաց թողած զանգ Սթեյսիից։ Վայրկյաններ անց աղջիկը նորից է զանգահարել ու ասել. «Վերեւ բարձրացիր, ես ծննդաբերել եմ»։

«Ամեն բան մշուշի մեջ էր, թվում էր՝ արթնացել եմ ճիչերի կամ լացի ձայնից»,- հիշում է Դեւիդը։

Նա գնացել է լոգարան, որտեղ գտնվում էր Սթեյիսին, եւ շտապօգնության բրիգադ կանչել։

«Բժիշկն ուղարկեց ինձ աղջկա իրերը հավաքելու։ Անգամ չգիտեմ, թե ինչու, հագուստի համար սառնարան մտա,- ասել է տղամարդը։- Ես մինչեւ հիմա չեմ կարողանում նկարագրել զգացմունքներս, որ զգում էի այդ ժամանակ»։

Ըստ Սթեյսիի՝ ծննդաբերությունը բավական արագ եւ անցավ է ընթացել։ Տառացիորեն մի քանի րոպե հետո, հենց որ  լույս աշխարհ եկավ երեխան, որին կոչեցին Սոֆիա Գրեյս, օգնության է հասել Դեւիդը։

Սթեյսին ասել է, որ փոքրիկի ծնվելուց ամիսներ առաջ նա հակաբեղմնավորիչ հաբեր է ընդունել եւ չէր ծրագրում երեխա ունենալ։ Դաշտանը նրա մոտ չէր դադարել։ Երբեմն սրտխառնոց է ունեցել, բայց մտածել է, որ խնդիրը կծու ուտելիքն է։ Այս ամբողջ ընթացքում նա ալկոհոլ է օգտագործել եւ արձակուրդի մեկնել բավական հեռու վայրեր, ինչը հակացուցված է հղիության ժամանակ։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է