• Latest news

Ֆասթֆուդը մահացու վտանգավոր է. Համբուրգերների հանդեպ սերը կարող է նպաստել քաղցկեղի զարգացմանը

24 մայիսի, 2019  10:50

Ոչ առողջ սնունդը կարող է լինել ամեն տարի քաղցկեղի մինչեւ 80 հազար նոր դեպքերի պատճառը: Նման տվյալներ են պարունակվում ԱՄՆ Թաֆթսի համալսարանի մասնագետների անցկացրած հետազոտության մեջ:

Գիտնականները նշում են, որ 2015 թվականի տվյալներով՝ ավելորդ քաշը եղել է քաղցկեղի նոր դեպքերից 5,2 տոկոսի պատճառը: Միայն ԱՄՆ-ում ավելորդ կիլոգրամներ ունի բնակչության 60 տոկոսը, իսկ նրանցից 40 տոկոսի մոտ կյանքի ընթացքում քաղցկեղ կախտորոշվի: Ստացած տվյալները հատուկ նշանակություն ունեն՝ հաշվի առնելով ամբողջ աշխարհում ճարպակալման եւ ավելորդ քաշի համաճարակը:

Ամերիկյան ուռուցքաբանական միությունը (ACS) ճարպակալումը համարում է կրծքագեղձի, կոլորեկտալ, կերակրափողի, երիկամների եւ ենթաստամոքսային գեղձի քաղցկեղի զարգացման ռիսկի հիմնական գործոններից մեկը: Դրանից բացի, ACS-ից նշում են, որ ճարպակալումը լեղապարկի, լյարդի, արգանդի վզիկի եւ ձվարանների քաղցկեղի, ինչպես նաեւ ոչ հոջկինյան լիմֆոմայի եւ շագանակագեղձի քաղցկեղի որոշ ագրեսիվ տեսակների զարգացման ռիսկի հնարավոր գործոնն է:

Չնայած նման սարսափազդու տվյալներին, հակվածությունը, այսպես կոչված, արեւմտյան սննդակարգին (առավելագույն կարմիր միս ու վերամշակվող մթերքներ եւ նվազագույն բանջարեղեն ու մրգեր) մեծացնում է ոչ առողջ քաշ հավաքող անձանց թիվը:

Թաֆթսի համալսարանի հետազոտողները պարզել են, որ կոլորեկտալ քաղցկեղը կապված է սնունդի մեջ չափից ավելի մեծ քանակությամբ վերամշակված եւ կարմիր մսի գործածման եւ անբավարար քանակությամբ հատիկավորների կամ կաթնամթերքի գործածման հետ: Բերանի խոռոչի, ըմպանի եւ կոկորդի քաղցկեղը սերտորեն կապված է սննդակարգի հետ, որում բացակայում են  բանջարեղենն ու մրգերը, ստամոսքսի քաղցկեղը կապված է բարձր աստիճանի արդյունաբերական մշակման մսի գործածման հետ (նագեթսներ, երշիկեղեն եւ այլն):

Ճարպակալման եւ համապատասխանաբար քաղցկեղի զարգացման հավանականությունը մեծացնում են քաղցր գազավորված ըմպելիքները, լիմոնադները, սպորտային եւ էներգետիկ ըմպելիքները: Չարորակ նորագոյացությունների զարգացումը կապված է նաեւ մեծ քանակությամբ համբուրգերների, ինչպես նաեւ արագ ածխաջրեր եւ հագեցած ճարպեր պարունակող մթերքների գործածման հետ: Տվյալ դեպքում իրավիճակը խորանում է սննդակարգում ձկնեղենը, հատիկավորները, թարմ բանջարեղենը եւ մրգերը մինչեւ նվազագույնի հասցնելիս:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է