• Latest news

ՄՊՎ-ի դեմ տղաների պատվաստումը կօգնի կանխել արգանդի վզիկի քաղցկեղի ավելի մեծ թվով դեպքեր, քան աղջիկների պատվաստումը. Նոբելյան դափնեկիր

23 մայիսի, 2019  14:28

Մարդու պապիլոմա վիրուսի դեմ տղաների պատվաստումն անգամ ավելի կարեւոր է եւ նպատակահարմար, քան աղջիկներին պատվաստելը. եթե պատվաստեն միայն 9-13 տարեկան տղաներին, հնարավոր կլինի կանխել արգանդի վզիկի քաղցկեղի ավելի մեծ թվով դեպքեր, քան նույն տարիքի միայն աղջիկներին պատվաստելու միջոցով: NEWS.am Medicine-ի հետ զրույցում այսպիսի կարծիք հայտնեց գերմանացի գիտնական, 2008 թվականի բժշկության Նոբելյան մրցանակի դափնեկիր Հարալդ ցուր Հաուզենը:

Նրա խոսքով՝ բանն այն է, որ տղաներն ավելի մեծ թվով սեռական զուգընկերներ ունեն, եւ հենց նրանք են դառնում աղջիկների շրջանում վիրուսի գլխավոր տարածողները: Եթե տղաների մեծ մասը պատվաստվի, նրանք իրենք չեն վարակվի ՄՊՎ-ով եւ չեն վարակի իրենց զուգընկերուհիներին, այսպիսով՝ դա կօգնի կանխել արգանդի վզիկի քաղցկեղի շատ նոր դեպքեր, որի զարգացումը կապված է այս վիրուսի մի քանի շտամների հետ:

Հենց Հարալդ ցուր Հաուզենն է գրեթե 3 տասնամյակ առաջ հայտնաբերել արգանդի վզիկի քաղցկեղի զարգացման մեջ պապիլոմա վիրուսների դերը: Նրա խոսքով՝ ինքն այդ հետազոտության վրա երկար է աշխատել, մինչեւ 2 ուսանողների հետ քաղցկեղային բջիջներից չի չեզոքացրել մարդու պապիլոմա վիրուսը եւ չի կարողացել ապացուցել այդ վիրուսի ու քաղցկեղի միջեւ կապը: Ավելի ուշ պարզվել է, որ այս վիրուսը կապված է նաեւ քաղցկեղի մի քանի այլ տեսակների հետ:

ՄՊՎ-ի դեմ պատվաստանյութի ստեղծման վրա նա չի աշխատել, բայց պատվաստումը համարում է չափազանց կարեւոր, մանավանդ տղաների համար։

Հայաստան կատարած այցելության շրջանակում Հարալդ ցուր Հաուզենն այցելել է Երեւանի Հերացու անվան բժշկական համալսարան, որտեղ դասախոսություն է կարդացել ուսանողների եւ դասախոսների համար՝ ներկայացնելով վարակիչ հիվանդությունների եւ քաղցկեղի միջեւ կապը, չէ՞ որ ՄՊՎ-ն բնավ էլ միակ վիրուսը չէ, որը կարող է օնկոլոգիական հիվանդություններ առաջացնել։

Հայաստանը, նրա խոսքով, իրեն շատ դուր է գալիս, թեեւ առայժմ քիչ բան է հասցրել տեսնել։ Խոսելով Հայաստան երկրորդ հնարավոր այցելության մասին՝ նա ժպտացել է. «Ես դեռ շատ երիտասարդ եմ, այնպես որ՝ ամեն բան հնարավոր է»։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է