Ինչպես արձակուրդի ժամանակ ավելորդ կիլոգրամներ չհավաքել

Գիտնականները պարզ միջոց են նշել, թե ինչպես արձակուրդի ժամանակ ավելրոդ կիլոգրամներ չհավաքել: Ջորջիայի համալսարանի գիտնականների հետազոտության համաձայն՝ ավելորդ քաշի դեմ պայքարի համար բավական է ամեն օր կշռվել:

EurekAlert!-ը հաղորդում է ,որ հետազոտությանը ներգրավվել է 18-65 տարեկան 111 մեծահասակ:

Նրանց առաջ խնդիր է դրվել 2 ամսվա ընթացքում անփոփոխ պահպանել քաշը: Պարզվել է, որ քաշ պահպանել եւ անգամ նիհարել (միջինում 0,8 կգ) կարողացել են նրանք, ովքեր պարբերաբար կշռվել են: Իսկ այն մասնակիցները, որոնք կշեռք չեն ունեցել, հակառակը՝ միջինում 2.2 կգ-ով գիրացել են:

Գիտնականները դա կապում են նրա հետ, որ հաճախակի կշռվելը մարդկանց դրդում է ավելի շատ ժամանակ հատկացնլ սպորտին եւ կարգավորել սննդակարգը:

Հետազոտության արդյունքները հրապարակվել են Obesity ամսագրի հունիսյան համարում:

Հետևեք NEWS.am Medicine-ին Facebook-ում և Twitter-ում