Գիտնականները բացահայտել են սթրեսի եւս մեկ բացասական կողմ: Արեւմտյան Ավստրալիայի համալսարանի մասնագետների հետազոտության համաձայն՝ հղիության ժամանակ ուժեղ սթրեսը կարող է արական սեռի սերնդի մոտ վերարտադրողականության հետ կապված խնդիրներ առաջացնել:
Ընդհանուր առմամբ անալիզի է ենթարկվել 20 տարեկան 643 տղամարդկանց սերմնահեղուկի որակը: Նրանց մայրերի ճնշող մեծամասնությունը (մոտ 2/3) հղիության առաջին 18 շաբաթում առնվազն մեկ սթրես են ապրել: Ամեն 7-րդը՝ 3 եւ ավելի:
Հետազոտության ընթացքում պարզվել է, որ սթրեսի ազդեցությամբ ներարգանդային զարգացման ժամանակ տղամարդկանց չափահաս կյանքում սերմաբջիջների թվի կրճատում եւ որակի նավազում է նկատվել:
Այսպես, հղիության ժամանակ հարազատ մարդու մահվան կամ ամուսնալուծության պատճառով սթրեսը 36 տոկոսով կրճատել է սերմաբջիջների թիվը, իսկ տեստոստերոնի մակարդակը՝ 11 տոկոսով: Գիտնականները ուշադրություն են դարձնում նրան, որ մոր սթրեսը 12 տոկոսով նվազեցնում է նաեւ սերմնաբջիջների շարժունությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր