Պորտլենդի համալսարանից հետազոտողները կապ են հայտնաբերել ճարպերի բարձր պարունակությամբ սննդակարգի եւ սեպսիսի զարգացման հավանականության միջեւ:
Գիտնականները փորձի շրջանակում կրծողներին 2 խմբի են բաժանել: Առաջին խմբի մկներին կերակրել են ճարպերի, շաքարի մեծ պարունակությամբ եւ բջջանյութի քիչ քանակությամբ սննդակարգով: Երկրորդ խմբի փորձակենդանիների սննդակարգը կազմվել է հաշվի առնելով հավասարակշռված սնվելու եւ բջջանյութի գործածման հիմքերը:
Արդյունքում առաջին խմբի կրծողների մոտ հայտնաբերվել են քրոնիկական բորբոքումների ավելի բարձր ցուցանիշներ, ինչպես նաեւ սեպսիսի ավելի ծանր դեպքեր եւ մահացության բարձր մակարդակ: Տվյալների վերլուծությունը կատարվել է երկրորդ խմբի մկների հետ համեմատության հիման վրա:
Գիտնականները չեն բացառում, որ դրա պատճառը իմունային համակարգի վրա ճարպերի եւ շաքարի մեծ պարունակությամբ սնունդի ազդեցությունն է, ինչը օրգանիզմն ավելի ընկալունակ է դարձնում բորբոքային պրոցեսների հանդեպ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր