• Latest news

Սալամանդրի լորձը կփոխարինի վիրահատական սոսնձին

10 հունիսի, 2019  22:30

Չինական վիթխարի սալամանդրը կարող է զգալիորեն փոխել վերքերի ապաքինման մոտեցումները: Չժանի ինժեներային կենդանի համակարգերի լաբորատորիայի  գիտնականները պարզել են, որ վնասվածքի դեպքում սալամանդրի կողմից արտադրվող գեղձազատուկը հիանալի կպցնում է հյուսվածքները:

Ավելին՝ այդ լորձը բարձրացնում է մաշկի առաձգականությունը եւ նվազեցնում սպիների առաջացման ցուցանիշները:

Մասնագետները սալամանդրներից հավաքել են գեղձազատուկը, չորացրել, վերածել փոշու, իսկ հետո ավելացրել ջրի մեջ:

Ստացված միջոցը լաբորատոր պայմաններում քսել են խոզի վնասված մաշկի վրա: Պարզվել է, որ միջոցը անգամ ավելի լավ է  ամրացրել, քան վիրահատական սոսինձը, ավելին այն առանձնացել է ֆիբրինին («բնական սոսինձ») բնորոշ առաձգականությամբ:

Միջոցը մի փոքր թույլ է եղել քիմիական սոսնձող նյութից՝ ցիանոակրիլատից, սակաան այն կողմնակի ազդեցություններ չի ունեցել, ինչպիսին մաշկի գրգռվածությունն է եւ գրիպին հիշեցնող նախանշանները:

Սալամանդրի լորձով միջոցը ստուգել են նաեւ վերքեր ունեցող կենդանի առնետների վրա: Պարզվել է, որ գեղձազատուկի կիրառումը թույլ է տվել արագ ապաքինել վերքերը գրեթե առանց սպիների եւ բորբոքման առաջացման:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել