• Latest news

Տղան ծնվել է մեկ թոքով եւ մեկ երիկամով, իսկ սիրտն աջ կողմում է

10 հունիսի, 2019  17:50

Ֆրենկի Շոպլենդի ծնողները նրան «կես մարդ» են անվանում՝ տղայի անատոմիական անսովոր կառուցվածքի պատճառով: Ինչպես հայտնում է The Daily Mail-ը, տղան ծնվել է մեկ թոքով եւ մեկ երիկամով, իսկ սիրտն աջ կողմում է:

Խանգարումներն ի հայտ են եկել մինչ երեխայի ծնվելը, սակայն ծնողերը հրաժարվել են դադարեցնել հղիությունն արհեստական ճանապարհով: Երեխան լույս աշխարհ է եկել ժամկետից 8 շաբաթ առաջ եւ հիվանդանոցում է անցկացրել ավելի քան 800 օր:

Ֆրենկին արհեստական թոքերի վիրահատություն է տարել, սակայն չնայած դրան՝ չի կարող ջուր խմել եւ սնվել շնչառական խնդիրների պատճառով: Տղան կենսագործունեության համար անհրաժեշտ սննդամթերք է ստանում հատուկ համակարգի միջոցով, որն ամրացված է նրա որովայնին:

Չնայած դոնորական օրգանների  փոխպատվաստման հնարավորությունների բացակայությանը՝ ծնողները լավատեսությամբ են լցված եւ չեն հանձնվում:

«Անատոմիական առումով՝ նա «կես մարդ» է, սակայն մեզ համար՝ մի ամբողջություն»,- նշում են նրանք:

Ծնվելիս երեխայի շնչուղիները չափազանց նեղ են եղել, ինչը հավելյալ առողջական խնդիրներ է ստեղծել: Այդ խնդիրը հեռացվել է վիրահատական ճանապարհով, սակայն թոքերի շարունակական օդափոխության պատճառով նա չի կարողանում խոսել:

Բժիշկները չեն շտապում կանխատեսումներ անել, քանի որ բժշկության մեջ նման դեպքերը չեն եղել, եւ, հետեւաբար, այդ վիճակը նկարագրված չէ բժշկական գրականության մեջ: Սակայն երեխայի ծնողները վճռական են տրամադրված եւ մտադիր են ինքնուրույն հետազոտություն անցկացնել: Նրանք հույս ունեն, որ նման դեպքերի բացահայտումը կօգնի կազմակերպել իրենց որդու ճիշտ բուժումը:   

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել