• Latest news

«Բուերին» ինչպե՞ս վերափոխել «արտույտների». գիտնականներ

11 հունիսի, 2019  17:25

Բիրմինգեմի համալսարանի, Սուրեյի համալսարանի եւ Մոնաշի համալսարանի հետազոտողների եզրահանգումների համաձայն՝ միանգամայն հնարավոր է «բուերին» «արտույտների» վերափոխել: Այս նպատակին հասնելու համար մարդը պետք է փոխի իր ցիրկադային ռիթմերը:

Հետազոտությանը մասնակցելու համար ներգրավվել է 21 «բու»: Բոլոր կամավորներին միավորում էր այն, որ նրանք քնում էին գիշերվա 2:30-ի սահմաններում եւ արթնանանում առավոտյան մոտ 10-ին: Փորձի շրջանակում նրանք պետք է արթնանային 2-3 ժամ ավելի վաղ եւ հնարավորինս շատ ժամանակ անցկացնեին բաց օդում առավոտյան արեւի տակ: Դրանից բացի, նրանց նշանակված էր վաղ նախաճաշ, առավոտյան ֆիզիկական ծանրաբեռնվածություն, որոշակի ժամին ճաշ եւ մինչեւ 19:00՝ ընթրիք:

Եվս մեկ պայման է 15:00-ից հետո սուրճից եւ 16:00-ից հետո ցերեկային քնից հրաժարվելը: Փորձարկվողները նաեւ պետք է քնելու պատրաստվեին 2-3 ժամ ավելի վաղ եւ նվազագույնի հասցնեին երեկոյան լուսավորությունը: Նշենք, որ հարկավոր էր քնել եւ արթնանալ միեւնույն ժամին:

Երկու շաբաթը լրանալուց հետո բոլոր կամավորների կենսաբանական ժամացույցները 2 ժամով տեղաշարժվել են: Ընդ որում՝ փորձի մասնակիցները նշել են, որ օրվա ընթացքում իրենց ավելի առույգ եւ ակտիվ են զգացել, իսկ սթրեսի եւ դեպրեսիայի մակարդակը զգալիորեն նվազել է:

Հետազոտության արդյունքները հրապարակվել են Sleep Medicine ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է