• Latest news

Հղիության նույնիսկ առաջին օրերին ալկոհոլը բացասաբար է ազդում պտղի վրա. հետազոտություն

12 հունիսի, 2019  09:36

Պարզվում է՝ ալկոհոլը պտղի վրա ազդում է անգամ հղիության առաջին օրերին: Development ամսագրում հրապարակված հետազոտության համաձայն՝ սպիրտայինը կարող է դառնալ ընկերքի ձեւավորման պրոցեսում լուրջ խախտումների պատճառ:

Բրիսբանում Քվինսլենդի համալսարանից (Ավստրալիա) Յացինտա Կալիշ-Սմիթը նշում է, որ ալկոհոլը դանդաղեցնում է անոթների ձեւավորումը, ինչի հետեւանքով սաղմն ավելի քիչ նուտրիենտներ է ստանում: Մի կողմից՝ շատ կանայք հղիության շրջանում իրենց սննդակարգից բացառում են ալկոհոլը: Միաժամանակ, միայն քչերն են գնում այս քայլին մինչեւ հղիանալը կամ ձվաբջջի բեղմնավորումից հետո առաջին օրերին:

Կրծողների վրա կատարված փորձերը ցույց են տվել, որ բեղմնավորվելուց 4 օր առաջ կամ հետո ոչ մեծ քանակությամբ ալկոհոլի գործածումը բացասաբար է անդրադառնում ընկերքի զարգացման վրա: Այսպես հայտնաբերվել է նրա անոթների աճի պրոցեսի դանդաղում մոտ երրորդ մասով եւ նրա ընդհանուր չափերի 17 տոկոսով կրճատում: Դա բերել է նուտրիենտների մակարդակի նվազման եւ բացասաբար է անդրադարձել պտղի զարգացման վրա:

Գիտնականների կարծիքով՝ այս պրոցեսը բացատրում է, թե ինչու են հղիության ժամանակ խմող մայրերի երեխաները ծնվելիս փոքր հասակ ունենում: Միաժամանակ, նորածինների փոքր հասակը անմիջականորեն կապված է դիաբետի, ճարպակալման եւ հիպերտոնիայի հետ:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի