• Latest news

Մայրական բնազդն օգնել է փրկել «քնկոտ» երեխայի կյանքը

11 հունիսի, 2019  21:09

Բժիշկներն ասել են, որ նորածին Ֆրեդիի հետ ամեն ինչ կարգին է, սակայն Նաոմի Սմոլլվուդը զգացել է, որ ինչ-որ բան այն չէ: Իր մայրական բնազդի շնորհիվ՝ երեխայի կյանքը հաջողվել է փրկել:

Նաոմին զգացել է, որ երեխայի հետ ինչ-որ բան այն չէ, երբ վերադարձել է ծննդատնից: Երեխան հրաժարվել է կաթ խմել եւ անընդհատ քնել է: Այդ ժամանակ մայրը դիմել է բժիշկներին, որոնք ասել են, որ հավանաբար երեխայի մոտ խիթերի հետ կապված խնդիր է: 2 շաբաթ անց երեխան սկսել է խզխզացնել, սակայն մասնագետները պնդել են, որ նրա հետ ամեն ինչ կարգին է:

Այդ ժամանակ Նաոմին որոշել է դիմել այլ բուժհաստատություն, որտեղ պարզվել է, որ երեխայի հետ ամեն ինչ այդքան էլ կարգին չէ: Երեխայի մոտ սրտի արատ են ախտորոշել: Երեխայի սիրտը կարող էր ցանկացած պահի կանգնել, եթե չլիներ մայրական բնազդը: Ֆրեդիի մոտ նաեւ աորտայի սեղմում է նկատվել:

Երեխային շտապ վիրահատել են: Կանխատեսումները սփոփիչ չեն եղել՝ հաշվի առնելով, որ նա ընդամենը 12 օրական է: Վիրահատությունը 10 ժամ է տեւել, որից հետո նրան արհեստական շնչառության սարք են միացրել: Ֆրեդին 2 շաբաթ է անցկացրել ինտենսիվ թերապիայի բաժանմունքում: Որոշ ժամանակ անց փոքրիկի վիճակը լավացել է, եւ նրան դուրս են գրել հիվանդանոցից:

Սակայն կես տարի անց նա կրկին սկսել է թուլանալ, եւ հետազոտությունից հետո բժիշկները եզրակացրել են, որ անհրաժեշտ է սրտի բաց վիրահատություն կատարել, որը հաջող է ավարտվել: Այժմ փոքրիկն առողջ է:

«Եթե Ֆրեդիին չտանեի այդ հիվանդանոց, ապա այս պատմությունն այլ ավարտ կունենար»,- պատմել է երեխայի մայրը:   

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել