• Latest news

Ինչո՞ւ չի կարելի քնել՝ հեռուստացույցը միացրած թողնելով

12 հունիսի, 2019  23:41

Մարդիկ, ովքեր հեռուստացույցը քնելիս միացրած են թողնում կամ քնում են արհեստական լուսավորության ներքո, հաճախ են տառապում ավելորդ քաշով եւ ճարպակալման խնդրով: Այս մասին ասվում է ԱՄՆ Առողջության ազգային ինստիտուտի նոր հետազոտության մեջ, որը հրապարակվել է JAMA Internal Medicine ամսագրում:

Հետազոտության շրջանակում մասնագետները վերլուծել են 43 722 կանանց տվյալները, որոնք ստացվել են Sister Study հետազոտության ընթացքում, որն էլ իր հերթին ուսումնասիրել է կրծքագեղձի քաղցկեղի եւ այլ հիվանդությունների ռիսկի գործոնները: Մասնակիցները եղել են 35-74 տարեկան, նրանք չեն տառապել քաղցկեղով կամ սրտի հիվանդություններ չեն ունեցել, նրանցից ոչ մեկ չի աշխատել գիշերային ժամերին: Բացի այդ, նրանք պատասխանել են այն հարցին, թե ինչ լուսավորության ներքո են քնում:

Պարզվել է, որ կանայք, ովքեր քնել են հեռուստացույցը միացրած վիճակում կամ լույսի այլ աղբյուրի ներքո, առնվազն 5 կգ քաշ են հավաքել 5 տարվա ընթացքում՝ ի տարբերություն նրանց, ովքեր քնել են մթության մեջ: Իսկ ճարպակալման ռիսկ է առաջացել նրանց մոտ, ովքեր չեն անջատել հեռուստացույցը կամ լույսը:

«Էվոլյուցիոն տեսանկյունից մենք պետք է քնենք գիշերը, մութ վայրում: Դա չափազանց կարեւոր է»,- պնդում է հետազոտության հեղինակ Դեյլ Սանդլերը:

Գիտնականների խոսքով՝ լույսի եւ մթության ազդեցությունը նպաստում է նյութափոխանակությանը, քնի հորմոններին, զարկերակային ճնշմանն ու մարդու օրգանիզմի այլ գործառույթներին:

Հեղինակները պնդում են, որ տղամարդկանց մոտ կարելի է նույն արդյունքները սպասել, սակայն այդ հետազոտությանը տղամարդիկ չեն մասնակցել:   

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է