Թեյը կարող է վնասակար լինել կանանց համար. հետազոտություն

14 հունիսի, 2019  22:34

Պարբերաբար թեյ խմող կանանց օրգանիզմում,  կարող են էպիգենետիկ փոփոխություններ լինել, պնդում են  Ուպսալայի համալսարանի գիտնականները:

Էպիգենետիկ փոփոխությունները փոփոխություններ են, որոնք տեղի են ունենում արտաքին գործոնների ազդեցության տակ եւ ազդում են գեների ակտիվության վրա: Այսպիսով, կանանց մոտ, ովքեր պարբերաբար թեյ են խմում, կարող են «միանել» եւ «անջատվել» որոշակի գեներ, եւ դա անպայման ազդելու է օրգանիզմի նյութափոխանակության գործընթացների,  բջիջների եւ հյուսվածքների գործառույթների վրա:

Ոչ բարենպաստ պարագայում (օրինակ արատավոր գեների «միացման» դեպքում) կարող են բջիջների, հյուսվածքների եւ օրգանների գործառույթների լուրջ խախտումներ առաջանալ:

Շվեդ գիտնականները կարծում են, որ երկար տարիներ օգտագործվող ըմպելիքները  նույնպես  կարող են ազդել նաեւ գեններում մուտացիոն փոփոխությունների առաջացման վրա:

Ուսումնասիրության համաձայն, կանանց մոտ, ովքեր պարբերաբար թեյ են խմում,  գեների փոփոխություններ են նկատվում, որոնք ազդում են քաղցկեղի եւ էստրոգեն սեռական հորմոնի նյութափոխանակության վրա: Տղամարդկանց մոտ նման փոփոխություններ չեն հայտնաբերվել:

Փորձագետները բացատրում են, որ թեյի մեջ պարունակվող ակտիվ  նյութերը կարող են ակտիվացնել կնոջ օրգանիզում էստրոգենի արտադրությունը, ինչը, իր հերթին, կարող է մեծացնել քաղցկեղի որոշակի տեսակների զարգացման ռիսկը:

Էստրոգենի ավելցուկը նույնպես ասոցացվում է պաթոլոգիական վիճակների առաջացման հետ, որոնք  ուղեկցվում են բջիջների աճի խթանմամբ, քանի որ դա  օրգանիզմում էստրոգենի հիմնական գործառույթն է:

Մասնավորապես, գիտնականները նշում են, որ էստրոգենի բարձր կոնցենտրացիան խթանում է նրա նկատմամբ զգայուն օրգանների բջիջների աճը, ինչը  կարող է չարորակ եւ բարորակ ուռուցքների, այդ թվում արգանդի  ֆիբրոադենոմայի, ձվարաններում  բուշտի, կրծքագեղձերում ֆիբրոզոկիստոզային գոյացությունների, կրծքագեղձի քաղցկեղի, էնդոմետրիոզի եւ այլ հիվանդությունների  առաջացմանը հանգեցնել:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի