• Latest news

Ավելորդ քաշն իսկապես սրտի համար վտանգավոր է. հետազոտություն

15 հունիսի, 2019  11:23

Ավելորդ քաշը ոչ թե պարզապես էսթետկական խնդիր է, այլ այն իսկապես նպաստում է անոթների խցանմանը եւ հանգեցնում սիրտ-անոթային հիվանդությունների զարգացման: Այս մասին զգուշացնում են Կարոլինի ինստիտուտի գիտնականները:

10 տարի տեւած հետազոտություններից հետո, որոնց շրջանակում ուսումնասիրում էին ճարպակալման եւ սրտի խնդիրների միջեւ հնարավոր կապը, Շվեդիայից գիտնականները, ի վերջո, վերջնականապես ապացուցել են այն, ինչի մասին բոլորը վաղուց կռահում էին. ավելորդ քաշն իսկապես սիրտ-անոթային հիվանդություններ է առաջացնում: Հետազոտողներն օգտագործել են մենդելեւյան ռանդոմիզացիա կոչվող մեթոդը, որը ցույց է տվել, որ մարմնի զանգվածի բարձր ինդեքսը սրտի հիվանդությունների անմիջական պատճառն է:

Ճարպակալումն ինքնին՝ առանց ռիսկի այլ գործոնների, ինչպես՝ խոլեստերինի բարձր մակարդակը, քիչ շարժունակ կենսակերպը եւ դիաբետը, ավելի քան 30 տոկոսով մեծացնում է սրտի հիվանդությունների զարգացման հավանականությունը:

Մասնավորապես՝ ավելորդ քաշը մեծացնում է ավելի քան կես տասնյակ սիրտ-անոթային հիվանդությունների զարգացման հավանականությունը, ներառյալ՝ աորտալ ստենոզը, որի դեպքում սրտից օրգանիզմ արյան հոսքը վերահսկող աորտալ փականը նեղանում է եւ լիարժեք չի բացվում:

Գիտնականների խոսքով՝ մոլորակի յուրաքանչյուր երրորդ բնակիչը, որն այսօր ավելորդ քաշ կամ ճարպակալում ունի, ենթակա է ժամանակից շուտ մահանալու վտանգին: Սա կարելի է փոխել միայն կենսակերպի փոփոխությամբ եւ դեղամիջոցների օգտագործմամբ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է