Բժիշկները շարունակում են 400 անարդյունավետ բժշկական պրակտիկա օգտագործել. հետազոտություն

Ողջ աշխարհում բժիշկները շարունակում են գրեթե 400 անարդյունավետ բժշկական պրակտիկա օգտագործել՝ պարզել են Օրեգոնի առողջապահության եւ գիտությունների համալսարանի, Մերիլենդի համալսարանի բժշկական դպրոցի եւ Չիկագոյի համալսարանի հետազոտողները: Հետազոտությունը հրապարակվել է eLife ամսագրում:

Նրանք վերլուծել են 3000 հետազոտություն, որը հրապարակվել է 3 առաջատար բժշկական ամսագրերում՝ Journal of the American Medical Association, Lancet եւ New England Journal of Medicine:

Հետազոտողները 396 բժշկական պրակտիկա են հայտնաբերել, որն անարդյունավետ կամ ոչ բավարար չափով արդյունավետ է ճանաչվել: Բացի դասական բժշկական պրակտիկայից, այդ ցուցակում են ներառվել «կոգնիտիվ-պահվածքային թերապիան կամ մենթալ պրակտիկան, ասեղաբուժությունը, դիետիկ հավելումները (օմեգա-3, վիտամին A), հասարակական պրակտիկան (անչափահասների հղիության կամ ինքնաթունավորման կանխարգելման ծրագրեր) եւ այլն:

Ցուցակում են նաեւ՝

սերլատինի եւ միրտազապինի օգտագործում Ալցհեյմերի հիվանդության դեպքւմ,

կոմպրեսիոն գուլպաների օգտագործում թրոմբոզի ռիկսի նվազեցման համար,

մամմոգրաֆիական սկինինգ 40-49 տարեկան կանանց համար ամեն 1-2 տարի,

զոպիկլոնի օգտագործում ինսոմնիայի դեպքում,

սրտի անուղղակի մերսում,

թոքերի զարկերակի կաթետերիզացիա,

պաշտպանիչ սարքի օգտագործում ազդրի կոտրվածքի դեպքում,

գլյուկոկորտիկոիդների էպիդուրալ ներարկում լյումբալ ստենոզի դեպքում: 

Հետևեք NEWS.am Medicine-ին Facebook-ում և Twitter-ում