Կարիճների թույնը՝ Diplocentrus melici, կարող է արդյունավետ լինել վարակների դեմ՝ պարզել են կրծողների փորձարկման ընթացքում:
Կարիճների թույնի մեջ կան հակաբակտերիալ միացություններ՝ բենզոխինոններ: Ինչպես նշում է պրոֆեսոր Ռիչարդ Զեյրը Stanford University-ից, այդ նյութերը թույնի թունավոր մաս չեն համարվում, եւ դեռեւս գիտնականներին հայտնի չէ, թե ինչու է կարիճն արտադրում այդ նյութերը:
Ցավոք, դրանց ստացման համար անհրաժեշտ է թանկարժեք եւ դժվար մանիպուլյացիաներ իրականացնել: Նման թույնի հիմքով դեղամիջոցը շատ թանկ կարժենա: Այդ իսկ պատճառով գիտնականներն արդեն խոսում են լաբորատոր պայմաններում նման նյութերի սինթեզման անհրաժեշտության մասին:
Այդ 2 միացությունները նման են մոլեկուլյար կառուցվածքային առումով, սակայն դրանցից մեկը թթվածին է պարունակում, իսկ մյուսը՝ ծծումբ:
Առաջինը (կարմիր 1,4-բենզոխինոն) արագ տարածվում է ոսկեգույն ստաֆիլոկոկով, որը մաշկային վարակ է առաջացնում: Երկրորդը (կապույտ 1,4-բենզոխինոն) սպանում է միկրոբները, որոնք տուբերկուլյոզ են առաջանցում: Ավելին, այն արդյունավետ է նաեւ սովորական միկրոբների դեմ պայքարում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր