• Latest news

Ռոտավիրուսի դեմ պատվաստանյութը կարող է պաշտպանել նաեւ դիաբետից. գիտնականներ

18 հունիսի, 2019  15:42

Ռոտավիրուսի դեմ պատվաստանյութը մեկ երրորդով նվազեցնում է երեխայի մոտ 2-րդ տիպի դիաբետի զարգացումը: Այս մասին հայտնում են Միչիգանի համալսարանից գիտնականները:

Նրանք վերլուծել են 1.5 մլն ամերիկացի երեխաների բժշկական ապահովագության համակարգի տվյալները, որոնք ծնվել են մինչեւ 2006 թվականը եւ դրանից հետո (հենց այս տարի հայտնվել է ռոտավիրուսի դեմ պատվաստանյութը):

Պատվաստանյութի ստեղծումից 5 տարի առաջ ծնված  ավելի քան 547 000 երեխաներ չէին պատվաստվել: 2006-ից հետո ծնված գրեթե նույնքան երեխաներ իմունիզացիայի ամբողջական կուրս էին անցել:

Մնացած կես միլիոն երեխաների մի մասը ռոտավիրուսի առնվազն մեկ  էր  ստացել, սակայն ոչ ամբողջական կուրսը, եւս մի մաս չէր պատվաստվել, թեեւ ծնվել էր 2006-ից հետո:

Մինչ այդ ավստրալացի գիտնականները պարզել են, որ ռոտավիրուսի դեմ պատվաստվելուց հետո զգալիորեն  նվազում է առաջին տիպի դիաբետով հիվանդանալու հավանականությունը: Նոր հետազոտությունում գիտնականները հաստատել են այդ օրինաչափությունը: Նրանց տվյալներով՝ ռոտավիրուսի դեմ պատվաստման ամբողջական կուրսն անցնելուց հետո երեխաները 33 տոկոսով ավելի քիչ են հիվանդացել առաջին տիպի դիաբետով, քան չպատվաստված երեխաները:

Գիտնականների խոսքով՝ բացառված չէ, որ ռոտավիրուսով վարակումը կարող է նպաստել դիաբետի զարգացմանը: Վիրուսը ախտահարում է նաեւ ենթաստամոքսային գեղձի բջիջները, ինչպես եւ առաջին տիպի դիաբետը եւ ինսուլին արտադրող հենց այդ բջիջների դիսֆունկցիան է դառնում այդ հիվանդության զարգացման գործոն:

Հետազոտության հաշվետվությունում նշված  է, որ ռոտավիրուսային ինֆեկցիայի դեմ պատվաստանյութը  94 տոկոսով նվազեցնում է ռոտավիրուսով վարակվելու հավանականությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է