• Latest news

Գործազուրկներն ավելի հաճախ են բախվում հոգեկան խնդիրների. հետազոտություն

20 հունիսի, 2019  10:19

Գործազուրկներն ավելի հաճախ են բախվում հոգեկան առողջության հետ կապված խնդիրների, պնդում են Քեմբրիջի համալսարանի գիտնականները: Հոգեվիճակը պաշտպանելու համար բավական է աշխատել շաբաթական ընդամենը մեկ օր: Ընդ որում՝ հետաքրքիր է, որ աշխատանքի մեծ ծավալը դրական արդյունքը չի մեծացնում:

Գիտնականների խոսքով՝ աշխատանքը ոչ միայն կյանքում կառուցվածքաստեղծ միավոր է, այլեւ սոցիալական հարաբերություններ հաստատելու եւ սեփական «ես» ձեռք բերելու հնարավորություն:

Գիտնականները վերլուծել են երկու տարում 16-64 տարեկան ավելի քան 71 հազար մարդկանց հոգեվիճակը եւ զբաղվածության կարգավիճակը: Պարզվել է, որ «գործազուրկ» կարգավիճակից (զբաղվածության բացակայության պատճառը կարեւոր չէ) «աշխատող մարդ» կարգավիճակին անցումը 30 տոկոսով նվազեցրել է ամենավատ հոգեվիճակով մարդկանց խմբում հայտնվելու հավանականությունը:

Գիտնականների խոսքով, սակայն, չափից ավելի շատ աշխատելը հոգեվիճակը չի ամրացնում, իսկ ահա դրա հետեւանքով սթրեսը, հակառակը, վնասակար է: Իսկ եթե մարդը ստանդարտայինից շաբաթական 36-40 ժամ պակաս է աշխատում, դա չի հանգեցնում հոգեկան առողջության թուլացման: Շաբաթական ընդամենը մեկ աշխատանքային օրը բավական է հոգեվիճակը առավելագույնս առողջ պահպանելու համար:

Փորձագետները կոչ են անում կրճատել աշխատանքային շաբաթը, ստեղծել ավելի երկար հանգստյան օրեր, որպեսզի նվազեցնեն շատ աշխատելու պատճառով սթրեսի զարգացման հավանականությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել