14 խորհուրդ մասնագետից. ինչպե՞ս պաշտպանվել աղիքային վարակներից

Հայաստանում ամռանը աղիքային վարակների դեպքերն աճում են: Այս տարի հատկապես տարածված են դիզենտերիան եւ սալմոնելլոզը:

ՀՀ ԱՆ ԱՆ հիվանդությունների վերահսկմանեւ կանխարգելման ազգային կենտրոնի վարակիչ հիվանդություններիհամաճարակաբանության բաժնի պետ Լիանա Թորոսյանը կիսվել է մի քանի խորհրդով այն մասին, թե ինչպես կարող եք պաշտպանել ինքներդ ձեզ եւ ձեր երեխաներին այդ հիվանդություններից.

1. Խանութից մթերք գնելիս պարտադիր նայեք պիտանելիություն ժամկետը: Այս եղանակին մթերքներն արագ են փչանում:
2. Սննդամթերքը միշտ պահեք սառնարանում, նույնիսկ եթե այն գնել եք թարմ վիճակում, այն կփչանա, եթե մի քանի ժամ թողնեք սենյակային ջերմաստիճանի պայմաններում:
3. Պատրաստեք քիչ, որպեսզի ուտելիքը երկար պահպանվի:
4. Միսն ու մսամթերքը պահեք սառնարանում փակ ամանի մեջ, որպեսզի այն լինի առանձին մյուս մթերքներից:
5. Ձուն օգտագործելուց առաջ պարտադիր լվացեք, նույնիսկ եթե այն օգտագործում եք թխման համար:
6. Մի մոռացեք ջերմային ճիշտ մշակման մասին. չեփած միսը կարող է շատ վտանգավոր լինել:
7. Եթե մթերքի համը փոխվում է, ապա դեն նետեք այն:
8. Երեխաներին սովորեցրեք լվանալ ձեռքերը, երբ տուն են մտնում, ինչպես նաեւ զուգարան գնալուց հետո եւ ուտելուց առաջ: Հաճախ աղիքային վարակների պատճառ են դառնում կեղտոտ ձեռքերը:
9. Փողոցում փափուկ պաղպաղակ մի գնեք:
10. Ֆրեշը/սմուզին, որոնք վաճառում են փողոցում, եւս կարող են վտանգ ներկայացնել, հատկապես եթե դրանք վաճառվում են մի տեղ, որտեղ չկա ջուր եւ սառնարան:
11. Երեխաներին թույլ մի տվեք լողալ ջրավազանում, որը նախատեսված չէ դրա համար:
12. Եթե քաղաքից դուրս եկ մեկնում, ձեզ հետ վերցրեց ջրով լի շշեր եւ մի խմեք աղբյուրներից:
13. Եթե քաղաքից դուրս եկ մեկնում, փչացող մթերքներ մի վերցրեք, օրինակ՝ կրեմով տորթեր:
14. Ցանկացած մթերք պահեք փակ տարրայի մեջ: 

Հետևեք NEWS.am Medicine-ին Facebook-ում և Twitter-ում