• Latest news

Աչքերի մակերեւույթի բակտերիաները կարող են հիվանդություններից պաշտպանել

25 հունիսի, 2019  09:47

Աչքերի մակերեւույթին բնակվող բակտերիաները կարող են ինչպես պաշտպանել մի ամբողջ շարք հիվանդություններից, այնպես էլ նպաստել դրանց զարգացմանը:

Live Science-ը փոխանցում է, որ աչքերի միկրոֆլորան փոխող միջոցները կարող են իսկական հեղափոխություն կատարել ակնաբուժության ոլորտում:

Աչքի, այսպես կոչված, «բազային» միկրոֆլորան կախված է տարիքից, էթնիկ պատկանելությունից, բնակության վայրից, հիվանդությունների առկայությունից եւ կոնտակտային լինզաներ կրելու փաստից: «Բազային» միկրոֆլորան ներառում է բակտերիաների 4 հիմնական տեսակ՝ ստաֆիլոկոկեր, դիֆթերոիդներ, պրոպիոնային բակտերիաներ եւ ստրեպտոկոկեր: Մարդկանց 65 տոկոսի աչքերի մակերեւույթին կարելի է գտնել նաեւ ТТ հեպատիտի վիրուս:

Գիտնականները որոշել են պարզել՝ աչքերի մակերեւույթի բակտերիաները կարո՞ղ են արդյոք իմունային պատասխան խթանել՝ աչքը պաշտպանելով Pseudomonas aeuruginosa-ի նման վտանգավոր ախտածիններից:

Գիտնականները դեռեւս 2016 թվականին ենթադրել էին, որ պաշտպանող բակտերիաները բնակվում են աչքերի կողքին: Վերջին հետազոտությունները ցույց են տվել, որ աչքերի մակերեւույթին է բնակվում Corynebacterium mastitidis (C. mast) բակտերիան: Այն խթանում է իմունային բջիջները՝ դրանց ստիպելով հակամանրէային միացություններ արտադրել եւ լորձային հեղուկում բակտերիաները սպանել: Այն մարդկանց շրջանում, ում աչքերում գտել էին Corynebacterium mastitidis, Candida albicans-ով եւ Pseudomonas aeuruginosa-ով վարակվելու հավանականությունը զգալիորեն փոքր էր. սրանք ախտածիններ են, որոնք կարող են կուրություն առաջացնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է