• Latest news

Տնային պահածոներն անվտանգ չեն առողջության համար. բժիշկ էնդոկրինոլոգ

26 հունիսի, 2019  16:05

Տնային պահածոները կարող են լուրջ վտանգ պարունակել առողջության համար: Հունիսի 26-ի մամուլի ասուլիսում բժիշկ էնդոկրինոլոգ Հասմիկ Աբովյանը նշեց, որ պահածոյացման ժամանակ բոտուլոտոքսինը, որն արատադրվում է Clostridium botulinum մանրէների կողմից, չի ոչնչանում: Իսկ դա նշանակում է, որ բոտուլիզմի զարգացման պոտենցիալ վտանգ կա, որը կարող է մահացու ելքով ավարտվել:

Աբովյանը ուշադրություն դարձրեց այն փաստին, որ բոտուլոտոքսինը կարող է պարունակվել մարինադում եւ աղածոներում, այդ թվում մարինացված սնկերում եւ կարմիր պղպեղում:

Վտանգ են ներկայացնում նաեւ մեծ տակառներում աղածոները, քանի որ տարայի հատակին մոտ  անաերոբային պայմաններ են ստեղծվում: Նրանք, ովքեր չեն կարող հրաժարվել տնային պահածոներից, փորձագետը խորհուրդ է տալիս սահմանափակվել պահածոներով, որոնք կարելի է օգտագործելուց առաջ 10-15 րոպե եռացնել: Այդ ժամանակահատվածը բավարար է բոտուլոտոքսինի ոչնչացման համար:

Էնդոկրինոլոգը նաեւ կոչ արեց հրաժարվել բորբոսով ծածկված մթերքների օգտագործումից, անգամ եթե բորբոսնած հատվածը իր չափերով կետից մեծ չէ: Դա մասնավորապես վերաբերում է մուրաբաներին, պանրին, մրգերին եւ բանջարեղենին: Շատերը նախընտրում են պարզապես կտրել բորբոսով ծածկված հատվածը, սակայն Աբովյանը զգուշացնում է. մթերքն ավելի լավ է թափել, քանի որ առաջին հայացքից անգամ բորբոսով աննշան ծածկված լինելու դեպքում այն իրականում ամբողջությամբ վարակված է սպորներով:

Բանն այն է, որ բորբոսն արտադրում է աֆլատոքսին, որը կուտակվելով օրգանիզմում, կարող է առողջության համար սպառնալիք դառնալ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է