• Latest news

Քեմբրիջի համալսարանի գիտնականներն անսպասելի կապ են գտել սեքսի եւ սմարթֆոններից կախվածության միջեւ

10 հուլիսի, 2019  21:30

Չիկագոյի, Քեմբրիջի եւ Մինեսոթայի համալսարանների գիտնականները կապ են հայտնաբերել սմարթֆոններից կախվածության, ակադեմիական առաջադիմության եւ սեքսի միջեւ:

Հետազոտությանը ներգրավվել է ԱՄՆ բուհերի 3425 ուսանող, որոնք պետք է պատասխանեին 156 հարցի, ինչը գիտնականներին օգնել է պատկերացում կազմել մարդու հոգեկան առողջության վրա սմարթֆոններից կախվածության ազդեցության մասին: Պարզվել է, որ հարցվածքների 20 տոկոսը բջջային սարքերը չարաշահել է, ընդ որում՝ դա առավել հաճախ է դիտվել կանանց շրջանում (հարցվածների ընդհանուր թվի 64 տոկոսը):

Հետաքրքիր փաստ. նրանց շրջանում, ովքեր մեկ տարվա ընթացքում երկու եւ ավելի սեռական զուգընկեր են ունեցել, գաջեթներից կախվածություն ունեցողներն ավելի շատ էին (37,4 տոկոս ընդդեմ սմարթֆոների «սովորական» օգտատերերի 27,2 տոկոսի): Ընդ որում՝ բջջային սարքերին չափից ավելի կապվածությունը հաճախ ուղեկցվել է ալկոհոլի չարաշահմամբ:

Սմարթֆոններից կախվածությունն ազդել է ակադեմիական առաջադիմության վրա. չնայած միջին միավորներ հավաքելու վրա բացասական ազդեցությունը մեծ չի եղել, գիտնականները չեն բացառում ապագայում ավելի լուրջ հետեւանքները, այդ թվում՝ հետագայում աշխատանքի ընդունվելու հարցում:

Գիտնականների ենթադրությամբ՝ հենց հոգեբանական խնդիրներն են մարդկանց դրդում գաջեթներում ինչ-որ նոր ու հետաքրքիր բանի մշտական որոնումներին: Նրանք կարող են լինել, օրինակ, մեկուսացված մարդիկ, դեպրեսիայով կամ ուշադրության դեֆիցիտի եւ հիպերակտիվության համախտանիշով անձինք:

Հետազոտության արդյունքները ներկայացվել են Journal of Behavioral Addictions գիտական պարբերականում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է