• Latest news

Ստամբուլյան կոնվենցիայի վավերացման գործում Հայաստանին օգտակար կլիներ ծանոթանալ մյուս երկրների փորձին. Նեյլ Դատա

11 հուլիսի, 2019  12:48

Ստամբուլյան կոնվենցիայի վավերացման գործում Հայաստանին օգտակար կլիներ ծանոթանալ մյուս երկրների փորձին: Հուլիսի 11-ին Երեւանում այս մասին ասաց EPF (European Parliamentary Forum) քարտուղար Նեյլ Դատան խորհրդարանում անցկացվող  «Հակաբեղմնավորիչների հասանելիության ատլասի» շուրջ քննարկումների շրջանակում:

Ստամբուլյան կոնվենցիան Եվրոպայի խորհրդի միջազգային համաձայնագիր է ընդդեմ կանանց նկատմամբ բռնության եւ ընտանեկան բռնության: Փաստաթուղթը ստորագրել են 46 երկիր եւ Եվրամիությունը: Հայաստանը Ստամբուլյան կոնվենցիան ստորագրել է 2018 թվականի հունվարի 18-ին, իսկ հարեւան Վրաստանում ուժի մեջ է մտել 2017 թվականի սեպտեմբերի 1-ից:

«Ինչպես հասկանում ենք, Հայաստանը տեսանելի ապագայում կսկսի Ստամբուլյան կոնվենցիայի վավերացման գործընթացը: Սա կարեւոր միջազգային փաստաթուղթ է, որը բռնությունից պաշտպանելու հարցում ապահովում է կանանց իրավունքները»,- ասաց Նեյլ Դատան:

Նրա խոսքով՝ խորհրդարանը կարող էր հեշտությամբ վավերացնել Կոնվենցիան, սակայն, ինչպես նշվեց, մի շարք պետություններում սկսվել էր հակագենդերային շարժում, եւ արդյունքում այդ երկրները վավերացմանը պատրաստ չէին:

«Օրինակ՝ Բուլղարիան անցյալ տարի Կոնվենցիան վավերացնել չկարողացավ: Դուք այս գործընթացը բավականին վաղուց եք սկսել, եւ առաջիկա 18 ամիսներին կանցկացվեն համապատասխան քննարկումներ: Սրա հետ կապված օգտակար կլիներ ծանոթանալ մյուս երկրների օրինակներին, եւ եթե Հայաստանում սկսվի համանման հակագենդերային քարոզչություն, ապա դուք, որպես քաղաքական գործիչներ եւ կառավարության ներկայացուցիչներ, կկարողանաք դրան ժամանակին արձագանքել»,- նշեց նա:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի