72-ամյա Քերոլ Փարսոնսը անգլիական Բիսթոն քաղաքից (Նոթինհեմփշիրի կոմսություն) մահացել է սեպսիսից ամուսնու ուղեվար շան հետ խաղալուց հետո։
Ինչպես տեղեկացնում է Daily Mail-ը, Քուինի անունով լաբրադորը թեթեւակի քերծել է կնոջը, երբ նա խաղում էր շան հետ խոհանոցում։ Քերոլը անուշադրության չի մատնել երկու ոչ խոր քերծվածքները եւ մշակել է դրանք հակասեպտիկ քսուքով։
Բայց դա, ինչպես պարզվել է, բավարար չէր. մի քանի օր հետո կինը վատ է զգացել, եւ նրան հոսպիտալացրել են։ Մասնագետները լապարոսկոպիա են արել եւ հայտնաբերել մաշկային վարակ, որն առաջ էր եկել А խմբի ստրեպտոկոկից։
Թեեւ նրան անհրաժեշտ բուժօգնություն է ցուցաբերվել, բայց կնոջ մոտ զարգացել է սեպսիս՝ արյան վարակում, որը հանգեցրել է օրգանների անբավարարության։ 2019 թվականի փետրվարի 26-ին կինը մահացել է։
Նոթինգհեմփշիրի նահանգի քննիչի օգնական Լաուրինդա Բաուերն ուսումնասիրել է մահացածի բժշկական պատմությունը եւ ասել, որ Քուինի շունը չէր կարող վարակել տիրուհուն վտանգավոր վարակով։
«Նա քերծվածքներ է ունեցել, այլ ոչ թե կծելու հետքեր։ Դրանք այն մանրէները չեն, որոնք փեխանցում են շները»,- ընդգծել է մասնագետը։
Վարակի ստույգ պատճառն անհայտ է մնում։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր