Ճարպակալմամբ մայրերի երեխաների շրջանում քաղցկեղի զարգացման հավանականությունը 57 տոկոսով մեծ է: Հետազոտության արդյունքներով այսպիսի եզրակացություն են կատարել ամերիկացի գիտնականները:
Պիտսբուրգի համալսարանից (ԱՄՆ) համաճարակաբան Շայնա Սթեյսին եւ նրա գործընկերները վերլուծել են 2003-2016 թվականներն ընկած ժամանակահատվածում ավելի քան 2 մլն մանկածնության եւ 3 հազար քաղցկեղի դեպքերի տվյալները: Պարզվել է, որ ճարպակալմամբ կանանցից ծնված (մարմնի զանգվածի ինդեքսը 40 եւ ավելի) երեխաների շրջանում մինչեւ 5 տարեկանը լեյկեմիայի զարգացման հավանականությունը 57 տոկոսով աճում է: Գիտնականները սա կապում են պտղի զարգացման փուլում ինսուլիսի մակարդակի տատանումների հետ:
Հետազոտողները հույս ունեն, որ ստացած արդյունքները ապագա մայրերին կդրդեն ֆաստֆուդի եւ քաղցրացված ըմպելիքների օգտագործումից խուսափել:
Հետազոտության արդյունքները հրապարակվել են American Journal of Epidemiology ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր