• Latest news

Գիտնականները նախադիաբետով մարդկանց խորհուրդ են տալիս օրը գոնե 20 րոպե քայլել

15 հուլիսի, 2019  09:50

Մասնագետները խորհուրդ են տալիս նախադիաբետով մարդկանց օրը գոնե 20 րոպե քայլել, դա կօգնի նվազեցնել սրտի նոպայի եւ կաթվածի առաջացման վտանգը, հավաստում են Լեսթերի համալսարանի (Մեծ Բրիտանիա) գիտնականները։

Նախադիաբետի ժամանակ արդեն նկատվում է գլյուկոզայի յուրացման խախտում, որն արտահայտվում է ուտելուց հետո կամ առաջ արյան մեջ գլյուկոզայի մակարդակի բարձրացմամբ, բայց որը չի հասնում ակնհայտ դիաբետի ցուցանիշներին։ Նախադիաբետը նախորդում է լիարժեք շաքարային դիաբետին, դրան բնորոշ է խոշոր, այդ թվում՝ սրտի անթոների ախտահարումը։ Միեւնույն ժամանակ, եթե նախադիաբետ ունեցող մարդը ծխում է, վտանգը նրա անոթների համար զգալիորեն բարձրանում է, քանի որ գլյուկոզայի փոխանակման խախտման ֆոնին նիկոտինի բացասական ազդեցությունը սաստկանում է։

Գիտնականները պարզել են, որ քայլելն օգնում է գլյուկոզայի յուրացման խնդիրներ ունեցող մարդկանց պաշտպանվել սրտի եւ ուղեղի կաթվածներից։

Նախագծի մասնակիցները տառապում էին նախադիաբետից եւ ավելորդ քաշից։ Նրանց համար գիտնականները կազմել են կենսակերպը փոխելու ծրագիր, որով նախատեսվում էր ֆիզիկական ակտիվություն շաբաթը 150 րոպե մակարդակով։ Հետազոտողներն օգտագործել են քայլաչափեր, որպեսզի գրանցեն, թե որքան են հետազոտության մասնակիցները քայլել օրվա ընթացքում։ Նրանք համեմատել են կյանքի տարբեր շրջաններում կատարված ուսումնասիրությունների տվյալները՝ փորձարկման սկզբում, անցկացման ընթացքում, ավարտվելուց 12 ամիս հետո։

Պարզվել է, որ ֆիզիկական ակտիվության 150 րոպեի (օրը 20 րոպեից մի փոքր ավելի) նորմատիվը կատարելու համար կամավորները սկսել են շարժվել, մասնավորապես, նրանցից շատերը քայլել են։ Մասնագետները պարզել են, որ օրական յուրաքանչյուր 2000 լրացուցիչ քայլը, որոնք մարդիկ սկսել են անել հետազոտությունն սկսելուց հետո, 10 տոկոսով իջեցրել է սրտանոթային հիվանդությունների առաջացման վտանգը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է