• Latest news

Ինչու՞ են կանայք ավելի հաճախ հիվանդանում Ալցհեյմեր հիվանդությամբ

18 հուլիսի, 2019  14:23

Կանայք, ըստ վիճակագրության, ավելի հաճախ են հիվանդանում Ալցհեյմեր հիվանդությամբ, քան տղամարդիկ: Նոր հետազոտությունները օգնել են հասկանալ այդ ֆենոմենի որոշ պատճառները:

Ամենապարզ բացատրություններից մեկը կյանքի տեւողությունն է. կանայք ավելի երկար են ապրում, դրա համար ավելի հաճախ են հիվանդանում տարիքի հետ կապված հիվանդություններով:

Սակայն Վանդերբիլդի համալսարանից գիտնականները ցույց են տվել, որ հիվանդության այլ հնարավոր պատճառներից կարող է  լինել  նեյրոններում սպիտակուցի տարածման այլ մեխանիզմը, որը պատասխանատու է հիվանդության զարգացման  համար, ինչպես նաեւ գենետիկ եւ սոցիալական գործոնները:

Հետազոտության ընթացքում, որի արդյունքները ներկայացվել են Լոս Անջելեսում Ալցհեյմեր հիվանդության ասոցիացիայի միջազգային համաժողովին, հեղինակները օգտագործել են պոզիտրոնա-էմիսիոն տոմոգրաֆիա, որպեսզի տեսնեն, թե ինչպես է տաու սպիտակուցը տարածվում առանց կոգնիտիվ խանգարումների 123 տղամարդկանց եւ 178 կանանց մոտ եւ թեթեւ կոգնիտիվ խանգարումներով 101 տղամարդու եւ 60 կնոջ մոտ, սակայն առանց Ալցհեյմեր հիվանդության ախտորոշման:

Պարզվել է, որ կանանց դեպքում տաու սպիտակուցն ավելի արագ է տարածվում գլխուղեղում:

Նույն համաժողովին ներկայացված մեկ այլ հետազոտությունում Մայամիի համալսարանից գիտնականները  հայտնաբերել են մի շարք գեներ, որոնք  կապված են տարբեր սեռերի մոտ Ալցհեյմեր հիվանդության զարգացման հետ:

Երրորդ հետազոտությունում գիտնականները ցույց են տվել այն դերը, որ ունեն սոցիալական գործոնները Ալցհեյմեր հիվանդության զարգացման գործում:

Լոս Անջելեսում Կալիֆոռնիայի համալսարանի գիտնականները հետեւել են 6300 կնոջ, որոնք ծնվել են  1935-1956 թվականներին եւ պարզել, որ հիշողության նվազումը առավել արտահայտիչ է եղել այն կանաց մոտ, որոնք չեն աշխատել:

Մայրերի թվում, որոնք երբեք չեն աշխատել, 60-70 տարեկանում կոգնիտիվ կարողությունների նվազումը 61 տոկոսով ավելի արագ է եղել, քան այն կանաց մոտ, որոնք աշխատել են մինչեւ միջին տարիքը: Սակայն դա, իհարկե, չի ապացուցում, որ աշխատանքի առկայությունը կարելի է դեմենցիայի դեմ պաշտպանական գործոն համարել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է