• Latest news

Հազվագյուտ ֆոբիայով կինը վախենում էր քնել

19 հուլիսի, 2019  23:49

Անգլիական Սուրեյ կոմսությունից 26-ամյա Ռեյչել Ուիլյամսը պատմել է հազվագյուտ ֆոբիայի մասին, որի պատճառով նա չէր կարողանում քնել, քանի որ վախենում էր մահանալ քնի մեջ:

The Mirro պարբերականի հաղորդմամբ՝ երեք երեխաների մայր Ռեյչելը նկատել էր իր մոտ բարձր տագնապայնություն, երբ նրա որդիներ Քրիստոֆերի եւ Ջեյքոբի մոտ ախտորոշել էին աուտիզմ: Նա մտահոգվում էր իր երեխաների լիարժեք զարգացման համար եւ անում էր հնարավոր ամեն ինչ նրանց համար հարմար պայմաններ ստեղծելու նպատակով: Ռեյչելի ամուսինը՝ Քրեյգը, զինվորական էր եւ հաճախ էր գտնվում տնից հեռո, ինչը բարդացնում էր կնոջ կյանքը:

Իսկ երբ Քրեյգը մեկ տարով մեկնեց Հեմփշիր կոմսության Օլդերշոթ քաղաք մեխանիկի մասնագիտություն ստանալու համար, նրա մոտ սկսվեցին քնի հետ կապված խնդիրներ: Ռեյչելն այդ ժամանակ գտնվում էր հղիության 4-րդ ամսում եւ սպասում էր իր երրորդ երեխային:

«Ես սարսափելի վախենում էի մահանալ քնի մեջ: Չէ՞ որ այդ դեպքում ոչ ոք չէր գտնի ո′չ ինձ, ո′չ  իմ տղաներին: Նրանց ոչ ոք չէր օգնի,-պատմել է Ռեյչելը:-Ես անհանգստանում էի՝ կկարողանային արդյոք նրանք ողջ մնալ եւ սպասել հոր վերադարձին»:

Այդ օրերին նա նյարդային խանգարման շեմին էր: Չնայած հղիությանը՝ նա արագ տեմպերով նիհարում էր եւ չէր կարողանում քնել:  Ենթադրելով, որ նրա մոտ լուրջ հիվանդություն է, Ռեյչելը դիմել էր հիվանդանոց: Սակայն խաղցկեղի փոխարեն նրա մոտ ախտորոշել էին հիպնոֆոբիա՝ քնից առաջ իռացիոնալ եւ անվերահսկելի վախ: Նրան ուղղորդել էին հոգեթերապեւտի մոտ: Բժիշկը սովորեցրել էր Ռեյչելին հաղթահարել վախի նոպաները, այդ թվում՝ հիպնոզի միջոցով:

Ուսումն ավարտելուց հետո Քրեյգը բարեհաջող տուն էր վերադարձել, եւ Ռեյչելը սկսել էր ավելի հանգիստ քնել:

«Այժմ ես լույս եմ տեսնում թունելի վերջում,-պատմել է նա:-Ես երջանիկ եմ եւ ավելի քիչ եմ տագնապ զգում քնից առաջ»:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է