• Latest news

Հաճելի երաժշտությունը դեղերից ոչ պակաս լավ կարող է վիրահատությունից առաջ հանգստացնել

20 հուլիսի, 2019  16:27

Հանգստացնող երաժշտությունը (օրինակ՝ «Weightless» Marconi Union-ը) կարող է դեղերից ոչ պակաս լավ վիրահատությունից առաջ հանգստացնել պացիենտներին՝ նվազեցնելով տագնապի աստիճանը: ВВС-ն հաղորդում է, որ այդ մասին է վկայում Փենսիլվանիայի համալսարանից գիտնականների հետազոտությունը:

Նախավիրահատական տագնապը հանդիպում է պացիենտների գրեթե կեսի մոտ եւ բավականին վտանգավոր  է, քանի որ բարձրացնում է բարձր զարկերակային ճնշման, արյունատար անոթների նեղացման, ինչպես նաեւ առիթմիայի եւ մարմնի ջերմաստիճանի բարձրացման վտանգը:

Դրա հետեւանքով  վիրահատական միջամտությունից հետո  մեծանում է բարդությունների զարգացման վտանգը եւ ապաքինման ընթացքն ավելի երկար ժամանակ է պահանջում:

Սովորաբար պացիենտների հանգստացման համար կիրառվում են բենզոդիազեպիններ, որոնք որոշ դեպքերում ագրեսիա եւ նյարդայնություն են առաջացնում: Մեկ այլ տարածված դեղամիջոց՝ միդազոլամը կարող է մարդու մոտ կախվածություն առաջացնել:

Գիտնականները վստահ են, որ երաժշտությունը կարող է բավականին արդյունավետ միջոց դառնալ ցավի մեղմացման եւ անհագստության դեմ պայքարի գործում: Սակայն կա մեկ բացասական կողմ. կամավորների մասնակցությամբ անցկացված փորձերը ցույց են տվել, որ երաժշտությունն այդքան ուժեղ չի ազդում պացիենտի վրա, ինչպես համապատասխան դեղերը:

Հետազոտողները դա կապում են նրա հետ, որ հետզոտության մասնակիցները  զրկվել էին երաժշտական ստեղծագործությունները ինքնուրույն ընտրելու հնարավորությունից:

Մասնագետները պարզաբանում են. երաժշտությունն ազդում է նեյրոմեդիատորների վրա՝ քայքայելով սթրեսի կորտիզոլ հորմոնը եւ բարձրացնելով երջանկության դոֆամին հորմոնի կոնցենտրացիան:

Այսպիսով նրանք կոչ են անում այն դիտարկել որպես այլընտրանք  նախավիրահատական տագնապայնության դեմ պայքարում:

Հետազոտության արդյունքները հրապարակվել են BMJ ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է