Դեղերի կանոնավոր ընդունումը, որը նվազեցնում է ստամոքսային հյութի թթվայնությունը, անվտանգ չէ առոջղության համար: Վիեննայի Բժշկական համալսարանի մասնագետների հետազոտության համաձայն՝ տվյալ դեղամիջոցների հաճախակի ընդունումը բարձրացնում է ալերգիաների զարգացման ռիսկը:
Հետազոտության շրջանակում վերլուծվել են 2009-2013 թվականների բժշկական ապահովագրության տվյալները, որոնք ընդգրկել են Ավստրիայի ավելի քան 8 մլն բնակիչների:
Հատուկ ուշադրություն է հատկացվել ստամոքսային հյութի (անտացիդ) թթվայնությունը նվազեցնող դեղերի նշանակման եւ ալերգիայի դեմ դեղերի միջեւ կապին:
Պարզվել է, որ այն անձանց մոտ, որոնք պարբերաբար անտացիդներ են ընդունում, գրեթե երկու անգամ բարձրանում է ապագայում հակաալերգիկ դեղերի նշանակման հավանականությունը:
Հատկանշական է, որ կանանց մոտ ռիսկը բարձր է 2.1 անգամ, իսկ տղամարդկանց մոտ՝ 1.7 անգամ: Բացի այդ տվյալ դեպքում ալերգիայի զարգացման ռիսկը ամենից շատ բարձր է 60 տարեկանից բարձր մարդկանց մոտ (5.2 անգամ)
Մինչ այդ ալերգիկ ռեակցիաների ռիսկի բարձրացումը ուղղակիորեն կապված է տարվա ընթացքում ամենօրյա դոզավորման հետ:
Ալերգիայի առավել բարձր ռիսկը դրսեւորվում է պրոտոնային պոմպի ինգիբիտորների դեպքում, որոնք սովորաբար նշանակվում են գաստրիտի, ինչպես նաեւ ստամոքսի խոցի եւ 12-մատյնա աղիքի հիվանդության դեպքում:
Անտացիդների ընդունումից հետո ալերգիայի զարգացման պատճառներն ըստ գիտնականների կապված են ստամոքսի թթվահիմնային հավասարակշռության խախտման հետ:
Հետազոտության արդյունքները հրապարակվել են Nature Communications ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր