Քարնեգի Մելոն համալսարանի (ԱՄՆ) բիոինժեներիայի մասնագետները կարողացել են առաջ ընթանալ 3D-բիոպրինտերով օրգանների տպագրության գործում:
FRESH տեխնոլոգիան թույլ է տալիս կոլագենի սպիտակուցից ստեղծել արտաբջջային մատրիքս, այսինքն՝ մարդկային օրգանիզմի օրգանների եւ հյուսվածքների կենսաբանական հիմնակմախք: Դրանից բացի, հաշվի առնելով ՄՌՏ տվյալները՝ հաջողվել է մեծ ճշգրտությամբ վերարտադրել կոնկրետ պացիենտի սրտի ավտոմատ կառուցվածքը: Արդյունքում տպագրվել է մարդկային սրտի 5 նորմալ գործող բաղադրիչ, ներառյալ սրտի փականը եւ կծկվող փորոքը:
Մասնագետները նշում են, որ FRESH տեխնոլոգիան կարելի է կիրառել մարդկային ցանկացած օրգանի եւ հյուսվածքի ստեղծման համար՝ հետագա փոխպատվաստման նպատակով:
Մշակման մասին առավել մանրամասն նշված է Science ամսագրում հրապարակված հոդվածում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր