• Latest news

Իսրայելում նանոպատվաստանյութ է մշակվել քաղցկեղի ագրեսիվ տեսակի դեմ

7 օգոստոսի, 2019  16:28

Թել Ավիվի համալսարանի գիտնականները նանոպատվաստանյութ են մշակել մաշկի քաղցկեղի ագրեսիվ տեսակի՝ մելանոմայի դեմ:

Փորձերի շրջանակում մելանոմայով հիվանդ մկներին ներարկել են կենսաքայքայվող պոլիմերից նանոմասնիկներ՝ ներսում երկու պեպտիդով, որոնք արտահայտվում են մելանոմայի բջիջներում:

Արդյունքում, ինչպես նշում է հետազոտության առաջատար հեղինակ, պրոֆեսոր Ռոնիթ Սատչի-Ֆաինարոն, նանոմասնիկները խթանել են մկների իմունային համակարգը, որի հետեւանքով իմունային բջիջները «սովորել» են մելանոմայի բջիջները ճանաչել եւ հարձակվել դրանց վրա:

Պատվաստանյութի արդյունավետությունը հաստատվել է փորձերի շարքի ընթացքում, այդ թվում՝ գլխուղեղի մելանոմայի մետաստազներով պացիենտներից վերցված հյուսվածքների վրա:

Պատվաստանյութի անվտանգությունն ապացուցելու համար անհրաժեշտ են կլինիկական փորձարկումներ, որոնց արդյունքը հնարավոր կլինի տեսնել  մոտ 10 տարի հետո:

Հետազոտության արդյունքներով գիտական հոդվածը հրապարակվել է Nature Nanotechnology ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել