• Latest news

Գիտնականները հայտնել են, թե որ սննդակարգն է դանդաղեցնում քաղցկեղի զարգացումը

14 օգոստոսի, 2019  18:03

Կետո սննդակարգը եւ ածխաջրերի փոքր պարունակությամբ այլ սննդակարգերը նվազեցնում են քաղցկեղի զարգացման հավանականությունը: Այս մասին նշված է Cell Reports ամսագրում հրապարակված մոլեկուլյար կենսաբանների հոդվածում:

Կետո սննդակարգում կալորիաների հիմնական մասը կազմում են ոչ թե ածխաջրերը, այլ ճարպերը եւ սպիտակուցները, որոնց շնորհիվ ներքին օրգանների համար էներգիայի հիմնական աղբյուր  են դառնում ճարպաթթուները եւ կետոնները:

Դալասում Տեխասի համալսարանից Ջեյ Կիմը եւ նրա գործընկերները որոշել են ստուգել այն վարկածը, որ կետո սննդակարգը, օրգանիզմում շաքարի հասանելիությունը նվազեցնելով, կարող է ճնշել քաղցկեղային ուռուցքների աճը: Այս նպատակով փորձի շրջանակում մկներին պատվաստվել են հարթբջջային քաղցկեղի բջիջների կուլտուրաներ:

Պարզվել է, որ կետո սննդակարգը, ինչպես նաեւ արյան մեջ շաքարի խտության ուղղակի նվազեցումը, կրծողների օրգանիզմում ճնշում է մաշկի կամ թոքերի քաղցկեղի բջիջների աճը: Գիտնականները նշում են, որ սա ուռուցքը չի ոչնչացրել, սակայն խոչընդոտել է դրա հետագա աճին: Ընդ որում՝ փորձարարական կրծողների մոտ չեն զարգացել հիպոգլիկեմիա կամ արյան մեջ շաքարի քրոնիկական պակասի այլ հետեւանքներ:

Գիտնականների ծրագրերի մեջ է մտնում կլինիկական փորձարկումների անցկացումը կամավորների վրա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է