• Latest news

Գաջեթներն ազդում են ուղեղի ակտիվության վրա. գիտնականներ

15 օգոստոսի, 2019  11:01

Փենսիլվանիայի համալսարանի հոգեբանները եւ լեզվաբանները որոշել են ուսումնասիրել սմարթֆոնների եւ պլանշետների ազդեցությունը ակադեմիական տեքստերը հասկանալու ունակության վրա:

Գիտնականները հետազոտության շրջանակում հենվել են ֆունկցիոնալ մագնիսառեզոնանսային տոմոգրաֆիայի միջոցով ուղեղի հետազոտության տվյալների վրա, ինչպես նաեւ հատուկ սարքով հետեւել են փորձարկվողների աչքերի շարժումներին գիտական տեքստեր ընթերցելիս: Փորձարկմանը մասնակցել է ընդհանուր 51 ուսանող: Հոդվածների ընթերցումն ավարտելուց հետո բոլոր կամավորները պետք է պատասխանեին դրանց բովանդակությանն առնչվող 10 հարցի:.

Պարզվել է, որ ուսանողները որքան շատ էին կախված գաջեթներից, այնքան ցածր էր գլխուղեղի կղզյակային բաժնի եւ ստորին ճակատային գալարների ակտիվությունը: Նշվում է, որ հենց այս հատվածներն են մասնակցում տեղեկությունների մշակմանը եւ ուշադրության կենտրոնացմանը:

Գիտնականների կարծիքով՝ դա կապված է էլեկտրոնային սարքերի հաճախակի օգտագործման դեպքում ուղեղի որոշ հատվածների ակտիվության նվազման հետ: Մասնագետներն իրենց եզրահանգումները զգուշավոր են բարձրաձայնում՝ ընդունելով այս վարկածի հաստատման համար ավելի խոշոր հետազոտությունների անցկացման անհրաժեշտությունը:

Գիտական աշխատանքը հրապարակվել է Scientific Reports ամսագրում:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի