• Latest news

Աշխարհում առաջինը. տղան տառապում է հազվագյուտ հիվանդությամբ, որն անգամ անվանում չունի

15 օգոստոսի, 2019  14:21

5-ամյա Օլլի Լլոյդը աշխարհում միակ մարդն է, որը տառապում է հազվագյուտ հիվանդությամբ, որն անգամ անվանում չունի:

The Daily Mail-ը հաղորդում է, որ քրոմոսոմային մուտացիայի պատճառով  նա չի կարողանում  քայլել, խոսել, նստել եւ անգամ բարձրացնել գլուխը:

Բացի այդ Օլլին կույր է, նա լսողության մասնակի կորուստ ունի եւ օրական նրա մոտ մինչեւ 100 նոպա է լինում: Բժիշկները չեն կարողանում ճշգրիտ կանխատեսումներ անել նրա առողջական վիճակի հետագա բարելավման կամ վատթարացման կապակցությամբ:

Որդու հաշմանդամության պատճառով նրա ծնողները ստիպված էին ազատվել աշպխատանքից եւ իրենց ժամանակը նվիրել որդուն հոգ տանելու համար:

Մասնագետների խոսքով՝ Օլլիի մոտ դելեցիա է՝ այսինքն քրոմոսոմային վերակառուցումներ, որոնց ժամանակ քրոմոսոմի հատվածի կորուստ է տեղի ունենում:

Զարգացման շեղումները հայտնաբերվել են հղիության 20-րդ շաբաթում:

Բժիշկները սկզբում կարծում էին, որ պատճառը Դաունի համախտանիշն է, սակայն հետագա անալիզները բացասական էին: Զույգին առաջարկել էին ընդհատել հղիությունը, սակայն նա հրաժարվել էր:

 Օլլին լույս աշխարհ էր եղել սրտի եւ թոքային զարկերակի խնդիրներով, ինչպես նաեւ ոտնաթաթերի զարգացման պաթոլոգիայով: Ուժեղ էպիլեպսիկ նոպաների պատճառով նա չի կարողանում հատուկ պահանջներ ունեցող երեխաների դպրոց հաճախել:

Բացի այդ նա վերջերս տրախեոտոմիա է տարել: Ծնողները ջանում են երեխային անհրաժեշտ ամեն ինչով ապահովել, սակայն Օլլիի մոտ իր տեսակով եզակի քրոմոսոմային անոմալիա է, որի հետեւանքերի մասին բժիշկները տեղյակ չեն:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է