• Latest news

Սաղմը սաղմի մեջ. Հնդկաստանում եզակի դեպք է հայտնաբերվել

17 օգոստոսի, 2019  15:01

Հնդկաստանում հայտնաբերվել է սաղմը սաղմի մեջ (fetus in fetu) զարգացման եզակի դեպք:

BMJ-ում հրապարակված զեկույցի համաձայն՝ 17-ամյա աղջիկը, ում անունը չի հրապարակվում, բժիշկներին է դիմել ցավի եւ փորի մեջ զանգվածի աճելու գանգատներով: Սքանավորմամբ պարզվել է ճարպային եւ փափուկ հյուսվածքների զանգված, ինչպես նաեւ կալցինացված կտորներ, որոնք իրենց ձեւով նման էին ողների, կողերի եւ երկար ոսկորների:

30 х 16 х 10 սմ չափերով գունդը հեռացվել է վիրաբուժական ճանապարհով: Այն հետազոտելով՝ բժիշկները դրա մեջ մազեր, ոսկորներ, ատամներ եւ մարմնի տարբեր մասեր են գտել, ինչը ցույց է տալիս, այսպես կոչված, fetus in fetu, այսինքն՝ սաղմը սաղմի մեջ: Սա շեղում է, որի ժամանակ լինում են մեծ քանակությամբ հյուսվածքներ, որոնք պտղի են հիշեցնում՝ ձեւավորված այլ պտղի մարմնի մեջ:

500 հազար կենդանածիններից մոտ մեկ անգամ է հանդիպում սաղմը սաղմի մեջ: Բժշկական գրականության մեջ նկարագրված է նման 200-ից պակաս դեպք: Հաղորդվում է, որ fetus in fetu-ն ավելի հաճախ հանդիպում է արական սեռի ներկայացուցիչների մոտ:

«Համաշխարհային մասշտաբով սա fetus in fetu-ի 8-րդ դեպքն է մեծահասակ մարդու մոտ եւ առաջին դեպքը մեծահասակ կնոջ մոտ»,- նշում են զեկույցի հեղինակները:

Վիրահատությունը կատարվել է 2 տարի առաջ, եւ բժիշկները նշում են պացիենտի մոտ առողջական խնդիրների բացակայության մասին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է