• Latest news

Տիեզերագնացների ուղեղի վրա ինչպե՞ս են ազդում միջմոլորակային թռիչքները

21 օգոստոսի, 2019  10:40

Ռուսաստանցի գիտնականները պարզել են, թե տիեզերք թռիչքներն ինչպես են ազդում տիեզերագնացների ուղեղի վրա: Մոսկվայի պետական համալսարանի մամուլի ծառայությունից հայտնում են, որ գալակտիկական տիեզերական ճառագայթները կարող են նպաստել միջմոլորակային թռիչքներ իրականացնող տիեզերագնացների ուսանելիության բարձրացմանը:

Ռուսական առաջատար գիտական կենտրոններից գիտնականների խումբը փորձեր է անցկացրել առնետների վրա, որոնց ճառագայթահարել են վարակված ծանր մասնիկներով (նիկելի եւ երկաթի միջուկներ) եւ գամմա ճառագայթներով: Այս չափաբաժինները կարելի է համադրել ճառագայթման հետ, որը տիեզերագնացները կարող են ստանալ 860-օրյա թռիչքի ժամանակ:

Պարզվել է, որ ճառագայթման ենթարկված առնետները ստուգիչ խմբերի համեմատությամբ ցուցադրել են տարածքում կողմնորոշման թեստերի ավելի բարձր ցուցանիշներ:

Բանն այն է, որ ստուգիչ եւ փորձարարական խմբերի առնետների ուղեղներում տարբերվել են գլուտամատի եւ գամմա-ամինայուղաթթվի խտությունները: Ինչպես հայտնի է, այս մոլեկուլները կենտրոնական նյարդային համակարգում կատարում են նեյրոմեդիատորների գործառնություն: Այսպես՝ գլուտամատը գրգռում է, մինչդեռ գամմա-ամինայուղաթթուն արգելակում:

Անցկացված հետազոտությունները ցույց են տվել, որ ճառագայթահարման ենթարկված առնետների մոտ գամմա-ամինայուղաթթվի մակարդակը նվազած էր, ինչն արդյունքում անդրադարձել է կենտրոնական նյարդային համակարգի ակտիվացման վրա:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի