Իրանի ինչպիսի՞ շրջագիծն է առողջության համար վտանգավոր

Կանանց դեպքում 80 սմ-ից մեծ եւ տղամարդկանց դեպքում 94 սմ-ից մեծ իրանը առողջության համար վտանգավոր է. ավելի լայն իրանով մարդկանց շրջանում մեծանում է սիրտ-անոթային հիվանդությունների, մասնավորապես՝ գլխուղեղի եւ սրտի կաթվածների զարգացման հավանականությունը: Այս մասին նախազգուշացնում են Ռուսաստանի առողջապահության նախարարության մասնագետները:

Նրանց խոսքով՝ սրտի կամ գլխուղեղի կաթվածը կանխելուն կօգնի ոչ միայն ավելորդ քաշից ազատվելը եւ իրանի ծավալի փոքրացումը, այլեւ ծխելուց հրաժարվելը, օրական 500 գրամ բանջարեղեն եւ միրգ գործածելը, ինչպես նաեւ 30 րոպե տեւողությամբ չափավոր ֆիզիկական ակտիվությունը:

Գլազգոյի համալսարանի գիտնականների կարծիքով՝ որպեսզի ռիսկերը նվազագույն լինեն, կանանց իրանը չպետք է գերազանցի 74, իսկ տղամարդկանց իրանը՝ 83 սանտիմետրը։ Սրտի խնդիրների զարգացման  հավանականությունը 10 տոկոսով մեծացել է կանանց իրանի յուրաքանչյուր հավելյալ 12,6 սանտիմետրի, տղամարդկանց իրանի՝ 11,4 սանտիմետրի ավելանալու դեպքում։

Հետևեք NEWS.am Medicine-ին Facebook-ում և Twitter-ում