• Latest news

Օմեգա-3 ճարպաթթուներն իսկապես օգնում են խոլեստերինի մակարդակի նվազեցմանը. հետազոտություն

21 օգոստոսի, 2019  22:30

Օմեգա-3 ճարպաթթուներն իրականում 20-30 տոկոսով նվազեցնում են տրիգլիցերիդների մակարդակը: Այս մասին նշված է American Heart Association-ի նոր փաստաթղթերում:

Ասոցիացիայի մասնագետները 17 հետազոտությունների վերլուծություն են կատարել եւ պարզել, որ խոլեստերինի մակարդակը նվազեցնող դեղերի հետ միասին բուժական միջոցների բաղադրության մեջ օրական 4 գրամ օմեգա-3-ի ընդունման դեպքում կարելի է հասնել զգալի դրական փոփոխությունների:

Medical Express-ը նշում է, որ ասոցիացիայի Circulation ամսագրում հրապարակված հետազոտության շրջանակում գիտնականները ստուգել են ճարպաթթուների հետ 2 տեսակի դեղամիջոցների արդյունքը: Առաջինը օրգանիզմ էր հասցնում EPA (էյկոզապենտաթթու) եւ DHA (դոկոզագեկսաթթու): Երկրորդը՝ միայն EPA:

Երկու միջոցն էլ լավ են գործել: Պարզվել է, որ արդյունավետ չափաքանակն է օմեգա-3-ի ընդամենը 4 գրամը:

Եթե տրիգլիցերիդների բարձր մակարդակով մարդիկ ընդունում են միայն EPA պարունակող միջոցը՝ ստատինների հետ միասին, սիրտ-անոթային շեղումների հետ կապված սրտի նոպաների, կաթվածների կամ մահվան դեպքերի քանակությունը 25 տոկոսով նվազում է:

Սակայն փորձագետները շեշտում են, որ այս եզրահանգումները չեն վերաբերում ձկան յուղ պարունակող սովորական ԲԱՀ-երին:

Հիշեցնենք, որ եթե տրիգլիցերիդների մակարդակը արյան դեցիլիտրում 200 միլիգրամից բարձր է, դա կարող է աթերոսկլերոզ առաջացնել: Իսկ 500 միլիգրամ նիշը գերազանցելու դեպքում պացիենտի մոտ կարող են զարգանալ պանկրեատիտ, ենթաստամոքսային գեղձի բորբոքում եւ այլ խնդիրներ:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի