ԱՄՆ-ում էլեկտրոնային ծխախոտներ ծխելուց հետո գրանցվել է թոքերի վնասման հերթական դեպքը:
Արտասահմանյան լրատվամիջոցները հաղորդում են, որ մի անգամ առավոտյան Տեխասի 17-ամյա բնակիչ Տրիստոն Զոհֆելդի մոտ փսխման ուժեղ նոպա է սկսվել:
Մինչ այդ մի քանի օր շարունակ նրա մոտ տենդ եւ քաշի կորուստ էր նկատվում: Դեռահասին շտապ հոսպիտալացում էր պահանջվել: Բժիշկները չէին կարողանում ճիշտ ախտորոշում տալ, մինչեւ որ ծնողները չէին հիշեցրել այն մասին, որ Թրիստոնը 8-րդ դասարանից վեյփ է ծխում:
Վնասվել էին դեռահասի երկու թոքերը, սակայն ինֆեկցիայի անալիզները եւ համապատասխան բիոպսիան բացասական էին եղել:
Արդյունքում դեռահասը 18 օր անցկացրել էր ինտենսիվ թերապիայի բաժանմունքում, որից 10 օրը միացված էր եղել կենսապահովման սարքին:
Տրիստոնը մոտ 14 կգ նիհարել էր, իսկ նրա մկաններն այնքան էին թուլացել, որ նա ստիպված էր նորից սովորել քայլել: Կատարվածից հետո, նա եւ իր ընկերները լիովին հրաժարվել են էլեկտրոնային ծխախոտներից:
«Դրանք այդքան էլ անվտանգ չեն, ինչպես կարծում եք», - նշում է նա:
Մինչ այդ ԱՄՆ-ի Հիվանդությունների վերահսկման եւ պրոֆիլակտիկայի կենտրոնները վեյփինգից հետո դեռահասների եւ երիտասարդ մարդկանց թոքերի վնասման 127 դեպքեր են հետաքննում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր