• Latest news

Ի՞նչ հիվանդություններ կարող է ցույց տալ մշտական ծարավը

24 օգոստոսի, 2019  18:42

Ծարավի զգացողությունը միանգամայն նորմալ է, եթե օդի ջերմաստիճանը չափազանց բարձր է կամ եթե շատ եք շարժվում: Բայց որոշ դեպքերում մշտական ծարավը կարող է ցույց տալ նաեւ տարբեր հիվանդություններ, ինչպիսին են՝

Դիաբետ

Եթե նույնիսկ ջուր խմելուց հետո բերանում, միեւնույն է, չորություն է մնում, դա կարող է լինել դիաբետի ախտանշան՝ վտանգավոր հիվանդություն, որն անտեսել չի կարելի: Եթե ձեզ մոտ այդ ախտանշանը նկատել եք, անպայման հաճախեք բնակության վայրի պոլիկլինիկա՝ թերապեւտի հետ խորհրդակցելու եւ արյան մեջ գլյուկոզայի մակարդակը ստուգելու համար:

Երիկամների հետ կապված խնդիրներ

Երիկամների հետ կապված խնդիրների դեպքում նույնպես կարող է առաջանալ ծարավի մշտական զգացողություն: Բայց դրա հետ մեկտեղ, մարդը, որպես կանոն, բավականին հազվադեպ է միզում, եւ նրա մոտ այտուցներ են առաջանում: Եթե ձեզ մոտ այդպիսի ախտանշաններ եք նկատել, չարժի բժշկին այցելությունը հետաձգել:

Թունավորում

Մշտական ծարավը կարող է լինել նաեւ օրգանիզմի թունավորման նշան:

Կալցիումի հաշվեկշռի խախտում

Մշտական ծարավը կարող է նաեւ ցույց տալ կալցիումի հաշվեկշռի խախտումը, որն առաջանում է հարվահանաձեւ գեղձի աշխատանքի խանգարումների պատճառով: Այդ դեպքում մարդու մոտ կարող են լինել նաեւ ոսկորներում ցավեր, մկանային թուլություն, սաստիկ հոգնածություն, հիշողության խնդիրներ:

Մասնագետները հիշեցնում են՝ եթե ձեզ մշտապես անհանգստացնում է ծարավը եւ բերանի չորությունը, նույնիսկ եթե բավականաչափ հեղուկ եք խմում, դա բժշկին այցելելու լուրջ պատճառ է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել