Ինսուլինառեզիստենտությունը ինսուլինի հանդեպ բջիջների ոչ զգայունությունն է, ինչը առաջացնում է նյութափոխանակության մի ամբողջ շարք խանգարումներ եւ մեծացնում է սիրտ-անոթային հիվանդությունների ու 2-րդ տիպի շաքարային դիաբետի զարգացման հավանականությունը:
Ի՞նչ կարելի է անել ինսուլինի հանդեպ զգայունությունը բարձրացնելու համար:
Պարբերական ֆիզիկական ծանրաբեռնվածություն
Աշխատեք օրվա ընթացքում հնարավորինս ակտիվ լինել, ինչպես նաեւ ժամանակ հատկացրեք մարզումներին: Մարզումների ծրագրի մեջ անպայման ներառեք ծանրությունների բեռնման վարժություններ, դրանք օգտակար են մարմնի եւ նյութափոխանակության համար:
Բջջանյութ
Բջջանյութն անհրաժեշտ է աղիների նորմալ գործելու համար, հետեւաբար այն անչափ կարեւոր է ամբողջ օրգանիզմի համար: Բջջանյութ են պարունակում հատիկավոր մթերքները, լոբազգիները, բանջարեղենը եւ շատ այլ մթերքներ: Աշխատեք այս մթերքները դարձնել ձեր ամենօրյա սննդաբաժնի մասը:
Ավելի քիչ սթրես
Սթերսն ընդհանրապես օրգանիզմի համար վտանգավոր է եւ մասնավորպես՝ նյութափոխանակության համար: Ավելին՝ սթրեսը սերտորեն կապված է արյան մեջ գլյուկոզայի կտրուկ բարձրացման եւ ինսուլինի հանդեպ ռեզիստենտության հետ: Ուստի՝ փորձեք հանգստանալու համար ժամանակ գտնել, զբաղվեք յոգայով, մեդիտացիայով եւ այլ պրակտիկաներով, որոնք օգնում են պայքարել սթրեսի դեմ:
Լիարժեք քնեք
Քնի պակասը նույնպես կապված է ինսուլինի հանդեպ զգայունության նվազման հետ: Անչափ կարեւոր է ամեն գիշեր 6-8 ժամից պակաս չքնելը, որպեսզի մեր օրգանիզմը լարված օրից հետո վերականգնվի:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր