• Latest news

Պարկինսոնի հիվանդության պատճառը կարող է լինել աղեհամակարգը

5 սեպտեմբերի, 2019  17:32

Պարկինսոնի անբուժելի հիվանդությունը կապում են ուղեղում ալֆա-սինուկլեինի սպիտակուցի թունավոր ձեւերի կուտակման հետ, որը քայքայում է նյարդային բջիջները։ Սակայն շատ մասնագետներ համոզված են, որ հիվանդության արմատները պետք է որոնել ոչ թե ուղեղում, այլ աղեհամակարգում։ Այս տեսակետն աստիճանաբար ավելի շատ կողմնակիցներ է հավաքում, տեղեկացնում է HighTech+-ը։

Հօգուտ աղիների պատճառով Պարկինսոնի հիվանդության առաջացման նոր փաստարկներ են ներկայացրել Օրհուսի համալսարանի գիտնականները, որոնց աշխատանքի մասին ներկայացնում է Science Daily-ն։ Այդ հիվանդության հակում ունեցող գենետիկ մոդիֆիկացված առնետների բարակ աղիում հետազոտության ընթացքում ներարկել են ալֆա-սինուկլեին։

Երկու ամիս անց սպիտակուցի թունավոր ձեւը ներթափանցել է ուղեղ ծայրամասային նյարդերով, իսկ չորս ամիս անց ակնհայտ են դարձել պաթոլոգիաներն ուղեղում։ Բացի այդ, ալֆա-սինուկլեինի հետքեր են հայտնաբերվել սրտի նյարդային համակարգում։

Մարդկանց մոտ Պարկինսոնի հիվանդությունը զարգանում է ոչ այնքան արագ, որքան կրծողների։ Հեղինակների կարծիքով՝ աղեհամակարգում թունավոր սպիտակուցների կուտակման եւ ուղեղի աշխատանքի շեղումների միջեւ կարող է մինչեւ քսան տարի անցնել։ Դա հիվանդությունը վաղ ախտորոշելու հույս եւ ժամանակ է տալիս, որպեսզի դանդաղեցվի նեյրոդեգեներացիան։

Այս ամռանը նման եզրակացության է եկել հետազոտողների մեկ այլ խումբ, որն աշխատում է ԱՄՆ-ում։ Դանիացի գործընկերների նման՝ նրանք կրծողների աղեհամակարգ են ներարկել թունավոր ալֆա-սինուկլեին, իսկ մի քանի ամիս հետո այն հայտնաբերել են նրանց ուղեղում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է