• Latest news

Ինչո՞ւ չի կարելի սննդի մեջ օգտագործել կանաչած կարտոֆիլը

6 սեպտեմբերի, 2019  17:45

Կանաչած կարտոֆիլը առողջության համար վտանգավոր սոլանին է պարունակում, որը կարող է առաջ բերել ուժեղ թունավորում։ Այս մասին տեղեկացնում է «Մոսկվա» գործակալությունը՝ հղում կատարելով որակի գծով տեսչության (ՄոսԳԻԿ) մասնագետ Եկատերինա Չերդակովային։

Ինչպես նշում է մասնագետը, կարտոֆիլի կանաչելը հետեւանք է դրա ոչ ճիշտ պահման։ Մասնավորապես, կարտոֆիլը կանաչում է, եթե դրա վրա ուղղակի կամ ցրված ձեւով ազդում է լույսը։ Ընդ որում, կարտոֆիլի մեջ սոլանին է առաջանում։ Այն կարող է ուժեղ թունավորում առաջացնել, որն ի զորու է հանգեցնել մահվան։ Հենց այդ պատճառով էլ կարեւոր է կարտոֆիլը պահել մութ տեղում։ Պահման ջերմաստիճանը պետք է լինի 3-5 աստիճանի մակարդակի, իսկ պահման ժամկետը չպետք է գերազանցի կես տարին։

Փորձագետի խոսքով՝ սննդի մեջ կիրառվելու համար պիտանի կարտոֆիլի վրա պալարներ, նեխած, սառած եւ կրծողներից վնասված հատվածներ չպետք է լինեն։ Միեւնույն ժամանակ, դրանք պետք է լինեն ամբողջական եւ միանման երանգավորմամբ։

Ճշտվում է, որ կարտոֆիլի ամենաարժեքավոր նյութը օսլան է, ինչպես նաեւ սպիտակուցը, որը պարունակում է բոլոր անփոխարինելի ամինաթթուները։ Բացի այդ, կարտոֆիլը պարունակում է նատրիում, երկաթ, պղինձ եւ ցինկ։

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի