• Latest news

5-ամյա աղջիկը մահացել է, քանի որ հազվագյուտ հիվանդությունը աղիքային ինֆեկցիայի հետ են շփոթել

9 սեպտեմբերի, 2019  17:34

Բրիտանական Քինգսթոն-ափոն-Հալլ քաղաքից (Իսթ Ռայդինգ օֆ Յորքշիր կոմսություն) 5-ամյա Էսմա Գուզելը մահացել է հազվագյուտ բնածին հիվանդության հետեւանքով, որը բժիշկները շփոթել են սովորական աղիքային ինֆեկցիայի հետ:

Hull Daily Mail պարբերականը հայտնում է, որ աղջկա մոտ առկա էր բնածին ստոծանու ճողվածք՝ ստոծանու զարգացման արատ, որի դեպքում կրծքավանդակը որովայնային խոռոչից ամբողջությամբ առանձնացված չէ: Ծնողներն անգամ չէին կռահել, որ իրենց դստեր մոտ նման հիվանդություն կա:

«Սովորաբար բնածին ստոծանու ճողվածքը նկատում են ՈւՁՀ ժամանակ,- ասել է աղջկա մայրը: - Հղիության ժամանակ ինձ 3 անգամ հետազոտել են եւ ոչ մի բան չեն գտել»:

Ամբողջ 5 տարի հիվանդությունը չի արտահայտվել եւ առաջին անգամ իր մասին զգացնել է տվել երեխայի մահվանից մեկ օր առաջ: Դպրոցից վերադառնալով՝ նա հանկարծ իրեն վատ է զգացել. սկսել է փսխել, որն այնուհետեւ դարչնագույն է դարձել: Ծնողները աղջկան պառկեցրել են մահճակալին եւ ջուր տվել:

Հաջորդ օրը աղջկան հիվանդանոց են տարել, բայց բժիշկը որոշել է, որ փսխումն առաջացրել է աղիքային ինֆեկցիան: Աղջկան տուն են ուղարկել, բայց նրա ինքնազգացողությունը շարունակել է վատթարանալ: Հայրը երեկոյան որոշել է դստերը հիվանդանոց տանել, բայց նա ճանապարհին մահացել է:

Ավելի ուշ պարզվել է, որ մահվան պատճառը ստոծանու ճողվածքն էր:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել