• Latest news

Գրեթե մոռացված հիվանդություն. Հնարավոր է՝ բորոտությունը Ամերիկա վերադառնա

10 սեպտեմբերի, 2019  23:48

Մարդկությանը բորոտությունը (բոր) հայտնի է հնագույն ժամանակներից, բայց վերջին տասնամյակներին դրանով հիվանդացությունը զգալիորեն նվազել է, հատկապես զարգացած երկրներում: Բայց այսօր վտանգ կա, որ այս հիվանդությունը կարող է ԱՄՆ վերադառնալ, պնդում է Նյու Յորքի համալսարանի պրոֆեսոր բժիշկ Մարկ Սիգելը:

Նրա խոսքով՝ հիվանդության փոխանցողներ կդառնան անօթեւանները, որոնց թիվը Նահանգներում հասել է պատմական ռեկորդայինի: Որոշ քաղաքներում տասնյակ հազարավոր անօթեւաններ կան. Լոս Անջելեսի շրջանում, օրինակ, այսօր պաշտոնապես կա ավելի քան 60 հազար բոմժ, որոնք քնում են փողոցներում եւ փորփրում աղբակույտերը: Այս մարդկանց կենսակերպը նպաստում է նրանց շրջանում վարակիչ հիվանդությունների, այդ թվում՝ բորոտության արագ տարածմանը: Իսկ քանի որ նրանք նաեւ մտնում են սրճարաններ եւ ռեստորաններ, քնում ավտոբուսի կանգառներում, կարող են շփվել նաեւ այլ քաղաքացիների հետ եւ նրանց վարակել:

Անցյալում համարվում էր, որ բորոտությունն անչափ վարակիչ է, ուստի հիվանդները պետք է հագնեին  հատուկ գլխադիրներ եւ քայլեին զանգակներով: Բայց հիմա ապացուցվել է, որ այս հիվանդությամբ վարակվելիությունն այնքան էլ մեծ չէ, իսկ դրա տարածմանը նպաստում է վատ հիգիենայի, կյանքի վատ պայմանների եւ որակյալ բուժման պակասի համակցումը: Այս ամենը ամերիկացի անօթեւանների ահռելի պոպուլյացիան իդեալական միջավայր է դարձնում բորոտության տարածման համար:

Նշենք, որ բորոտության բուժման բացակայության դեպքում կարող է առաջանալ մշտատեւ հաշմանդամություն եւ կուրություն: Անօթեւաններն այնքան էլ հաճույքով չեն դիմում բժիշկների օգնությանը՝ կարծելով, որ շրջապատողների համար որքան խղճահարույց տեսք ունենան, այնքան շատ նվիրատվություն կհավաքեն: Այս պատճառով նենգ հիվանդությունը, որը համարում էին միջնադարի խարան, կարող է նորից Ամերիկա վերադառնալ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է