• Latest news

Կինը, ում 14 անգամ խորհուրդ են տվել աբորտ կատարել, տուն է վերադարձել առողջ դստեր հետ (ֆոտո)

12 սեպտեմբերի, 2019  20:31

Բժիշկները 14 անգամ 20-ամյա Կիերա Մելդրումին խորհուրդ են տվել աբորտ կատարել, բայց նա նրանց չի լսել: Հիմա նա տուն է վերադարձել առողջ դստեր հետ, ում անվանակոչել են Լիլի-Ռոզա:

The Daily Mail-ը հայտնում է, որ 21-շաբաթական հղիության ժամանակ Կիերային ՈՒՁ հետազոտություն են կատարել, որը պտղի մոտ 3-րդ աստիճանի ասցիտ է ցույց տվել. պտղի որովայնային խոռոչում հեղուկ էր կուտակվել, որը կարող էր բերել լուրջ խնդիրների:

Նրան ամեն շաբաթ զննելով՝ բժիշկները խորհուրդ էին տալիս աբորտ կատարել: Բայց 4 վիժում վերապրած Կիերան այդ մասին լսել անգամ չէր ուզում:

Փետրվարի 26-ին՝ հղիության 34-րդ շաբաթում Կիերայի մոտ վաղաժամ ծննդաբերություն է սկսվել: Երբ աղջիկը ծնվել է, նրան անմիջապես տարել են շտապ վիրահատության:

Փոքրիկ Լիլի-Ռոզան 8 շաբաթ անցկացրել է հիվանդանոցում, ենթարկվել մի քանի վիրահատության, որից հետո Կիերան, վերջապես, կարողացել է նրան տուն տանել:

Աղջիկը հիմա 6-ամսական է եւ չնայած «նուրբ» աղիներ ունի, բժիշկները չեն կարծում, որ ապագայում այդ պատճառով խնդիրներ կունենա:

«Ամեն անգամ, երբ ինձ ասում էին աբորտ արա, ես հրաժարվում էի: Եվ հիմա այնքան երջանիկ եմ, որ սրտիս եմ ականջալուր եղել, այլ ոչ թե բժիշկների խոսքերին»,- ասել է Կիերան:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի