Երկրորդ տեսակի շաքարային դիաբետի պատճառը կարող է լինել ճարպի կուտակումը լյարդում։ Հետազոտությունները ցույց են տալիս, որ հիվանդությունը կարող է առաջանալ անգամ առանց ինսուլինի ռեզիստենտության, գրում է Hightech+-ը՝ հղում կատարելով EurekAlert-ին։
Շաքարի մակարդակն արյան մեջ հիմնականում կարգավորվում է երկու հորմոնով՝ ինսուլինով, որը նվազեցնում է արյան մեջ գլյուկոզայի մակարդակը, եւ գլյուկագոնով, որն այն բարձրացնում է։ Այս հորմոնների ազդեցության տակ լյարդը կարեւոր դեր է խաղում գլյուկոզայի կարգավորման մեջ՝ դրա արտադրման եւ վերաբաշխման միջոցով։
Լյարդի բջիջների միտոխոնդրիաների, ճարպակալման եւ դիաբետի միջեւ կապը բացատրելու համար գիտնականները կենտրոնացել են OPA1 սպիտակուցի վրա, որն աջակցում է միտոխոնդրիաների կառուցվածքին։ Դրա համար դրանք անջատել են մկների մոտ եւ հետեւել հետեւանքներին։
Առանց OPA1-ի լյարդը կորցնում էր գլյուկոզա արտադրելու կարողությունը մի քանի շաբաթում, ցույց են տվել հետազոտությունները։
Երբ OPA1-ը վերադարձնում էին, միտոխոնդրիաները վերականգնում էին իրենց նորմալ մորֆոլոգիան, բայց ոչ ակտիվությունը, ընդգծել են հեղինակները։
Հետո գիտնականները սկսել են հետեւել առողջ կրծողներին եւ հայտնաբերել, որ դրանց լյարդը գլյուկոզա արտադրել է անկախ հորմոնալ գործոններից։ Ճարպի ավելցուկի պարագայում լյարդում գլյուկոզայի նման վերարտադրությունը կարող է հանգեցնել դիաբետի։
«Մեր եզրակացություններն օգնում են բացատրել երկրորդ տիպի շաքարային դիաբետի առաջացումը լյարդի ճարպային հիվանդություն ունեցող մարդկանց մոտ, ինսուլինի ակնհայտ անհավասարակշռությունից բացի»,- ասել են հեղինակները։
Այժմ գիտնականները մտադիր են շարունակել փորձը եւ մոդելավորել հիվանդության զարգացումը կենդանիների մոտ այս սցենարով։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր